Árberáidu
Vuođđolága § 6 mearrida makkár árberáidu Ruvdnui lea, ja dat lea ná:
- Gonagasla Allavuohta Ruvdnaprinsa Haakon
- Gonagasla Allavuohta Prinseassa Ingrid Alexandra
- Prinsa Sverre Magnus
- Prinseassa Märtha Louise
- Maud Angelica Behn
- Leah Isadora Behn
- Emma Tallulah Behn
Vuođđolága § 6 čuodjá ná:
Árbbolaččat leat njuolggo sogamaŋisboahttit, nu ahte due dat Dronnega dahje Gonagasa mánát geat leat riegádan lobala náittusdilis, dahje geat leat su mánát geas alddis lea árbenriekti, sáhttet árbet, ja lagas linnjá manná ovddabeallái gáidan linnjá ja boarraseappot ovddabeallái nuorabuid.
Árbbolaččaid gaskii rehkenastojuvvo maid riegákeahtes mánná, mii dálán boahtá ieas sadjái árbelinnjás, go son riegáda máilbmái.
Árbenriekti ii leat ovttasge earás go sus gii lea riegádan maŋemus ráđđejeaddji Dronnega dahje Gonagasa njuolggo maŋisboahttin dahje su Oappá dahje Vielja máŋisboahtti, dahje gii ie lea su Oabbá dahje Viellja.
Go riegáda Prinseassa dahje Prinsa geas lea árbenriekti Norgga Ruvdnui, galgá su namma ja riegádanáigi almmuhuvvot ovddemustá Stuoradiggái ja čállojuvvot dan Protokollii.
Sidjiide geat leat riegádan ovdal Jagi 1971, guoská dát Vuođđolága § 6 nugo dat mearriduvvui Skábmamánu 18. beaivvi 1905. Sidjiide geat leat riegádan ovdal Jagi 1990 guoská aŋkke dat ahte Bárdni manná ovddabeallái Nieidda.