Gonagaslaš heajat 2001

Bisma Gunnar Stålsett náittii sudno, ja sámi artista Mari Boine lávllui. Betina ja Emilie Swanstrøm, Kamilla ja Anniken Bjørnøy ja Tuva Høiby ledje vihanieiddažat. Marius Borg Høiby lei vihabártnáš.

Vihačuvla

Ruvdnaprinseassa vihačuvla lei ovttasbargoprošeakta mas ledje mielde ruvdnamoarsi, designer Ove Harder Finseth ja čuvlagoarru Anna Bratland. Dat lei gorrojuvvon assas silkecrêpes ja litna silketyllas, ja das lei earenoamáš ecru ivdni. Čuvllas ledje lonjit ja das lei guokte mettar guhkkosaš čuvlaoassi mii heaŋgái maŋábealde, sullii seammaládje go dronnet Maud čuvllas.

Diadema mii Ruvdnaprinseassas lei oaivvis, lea 1910 logu čikŋa, ja dat lei skeaŋkan Majestehta Gonagasas ja Majestehta Dronnegis.

Vihalieđit

Movt vihalieđit galge ráhkaduvvot, dan hutkkaiga ruvdnamoarsi ja Aina Nyberget Kleppe, Passiflora A/S beaivválaš jođiheaddji Oslos ovttas. Dat lei ráhkaduvvon liđiiguin Ceropegia Woodii (marmorlanterne), Wandaorkide (Phalanopis orkide), Hydrangea (hortensia), čuvgesrukses ja lilla ruvssuiguin, bjørnegress, bearraliiguin ja metállaárppuiguin.

Náittusbára vihasuorbmasat leat ráhkaduvvon ovttas čikŋadáiddáriin Ester Helén Slagsvold ja ledje skeaŋkan Norges Gullsmedforbunddas.

Čuovvovaš musihkka čuojahuvvui vihaheami oktavuođas:

• Brudemarsj. Komponista: Nils Henrik Aasheim
• Versikkel for kor og orgel. Komponista: Trond Kverno
• Mitt hjerte alltid vanker. Lávllui Mari Boine
• Herre over alle slekter. Teaksta: Roald Fangen. Nuohtta: Terje Kvam
• Olggosváccidettiin: Gamal bruremarsj fra Nord-gudbrandsdal. Ovdanbuvttii ja saksofovdnii lágiduvvon: Jan Garbarek, orgelii lágiduvvon: Kåre Nordstoga

Feastamállásat

Feastamállásiin Šloahtas ledje buot eurohpá gonasgasviesuin boahtán ovddasteaddjit, lassin almmolaš Norgga ovddasteddjiide, organisašuvnnaide, bearrašii ja ustibiidda. Seammás lágiduvvojedje maid feastamállásat Oslo Militære Samfundas.