Gonagasla Allavuohta Prinseassa Ingrid Alexandra
Gonagaslaš Allavuohta Prinseassa Ingrid Alexandra riegádii Rikshospitálas Oslos ođđajagimánu 21. beaivvi 2004. Prinseassa lea nubbin árbenráiddus, áhčis Ruvdnaprinssa Haakon maŋis.
Cuoŋománu 17. beaivvi 2004 gásttašuvvui Prinseassa Šloahttakapeallas, lei bisma Gunnar Stålsett gii su gásttašii.
Fáddarat
Gonagaslaš Allavuođa Prinseassa Ingrid Alexandra fáddarat leat Majestehta Gonagas, Dánmárkku Gonagaslaš Allavuohta Ruvdnaprinsa Frederik, Ruoŧa Gonagaslaš Allavuohta Ruvdnaprinseassa Victoria, Spanias Majestehta Gonagas Felipe VI, Prinseassa Märtha Louise ja Marit Tjessem.
Mánáidgárdi
Ođđajagimánu 4.beaivvi 2006 álggii Prinseassa mánáidgárdái, borgemánu 19. beaivvi 2010 álggii son Jansløkka mánáidskuvlii Askeris. Borgemánu 19. beaivvi 2014 álggii Prinseassa Ingrid Alexandra Oslo Internašuvnnalaš Skuvlii Bekkestuas.
Almmolaš doaimmat
Prinseassas leat juo leamaš máŋga almmolaš doaimma. Earet eará láve son leat mielde šloahttabalkoŋggas miessemánu 17. beaivvi, ja lea maid leamaš fárus jahkásaš Holmenkollbeaivvi lágideamis.