Global Dignity

Mii sáhttit iežamet válljemiiguin, movt mii geavahit resurssaid ja movt mii láhttet guhtetguimmiideametguin, nannet eará olbmuid árvvu. Go nannet earáid olmmošárvvu, de nannet maiddái iežamet árvvu.

Global Dignity ja sorjjasmeahttun ebmolaš organisašuvdna. Das leat golbma ulbmila:

• ásahit máilmmiviidosaš ságastallamiid árvvuid birra
• ásahit jođihanválddiid mat leat árvvuide vuođđuduvvon
• digaštallat árvvuid nuoraiguin nugohčoduvvon Dignity Days oktavuođain skuvllain.

Dignity Day lágideami ulbmil lea nannet ohppiid dihtomiela ipmirdit mii árvu oktiibuot lea, iežaset ja earáid eallimis, ja movt dat sáhttá leat veahkkin čilget maid guhtege sáhttá bargat vai váikkuha dasa ahte erohusat máilmmis buorránit.

Vihtta vuođđojurdaga mat gusket árvui

Láidesteaddjin barggus leat biddjojuvvon vihtta vuođđojurdaga:

1. Buot olbmuin lea riekti beassat eallit albma árvosaš eallima.
2. Árvosaš eallin lea beassat geavahit iežas olmmošlaš attáldagaid. Eaktun dasa lea ahte olbmos lea vejolašvuohta olahit dearvvašvuođabálvalusaid main lea dohkálaš dássi, oahpu, dietnasa ja oadjebas dili.
3. Árvosaš eallin lea ahte olbmos lea friddjavuohta ieš mearridit ja válljet áššiin mat gusket olbmo iežas eallimii – ja vásihit ahte diet riekti doahttaluvvo.
4. Árvu berre leat stivrejeaddji vuođđojurdda buot daguin.
5. Min iežamet árvu lea nannosit čadnojuvvon earáid árvvuide.

Golggotmánu 20. beaivi lea Dignity Day

Golggotmánu 20. beaivvi 2008 lágiduvvui Global Dignity Day vuosttaš geardde. Skuvllat badjel 20 riikkain serve dán čalmmustahttimii. Ruvdnaprinsa lea dán rádjái leamaš mielde čađaheamen Dignity Day nuoraidskuvllaid dahje joatkkaskuvllaid ohppiide skuvllain Jordanis, Mátta-Afriikkas, Sveitssas, Kiinnas, Suomaa, Østerriikkas, Eŋglánddas, Indiás, Tanzanias, Mexicos ja USAs.

Norggas lea Ruvdnaprinsa Haakon oassálastán dákkár beivviid čalmmustahttin dilálašvuođain Oslo-skuvllain Ruseløkka, Bjørnholt ja Elvebakken.