Fokus: WEF
2010:s nammadii World Economic Forum Ruvdnaprinseassa Young Global Leader lahttun. 2012 čavčča bovdejuvvui son WEF stivrra nuoramus jođiheddjiid fierpmádahkii, The Global Shapers Community.
YGL lahttun oassálastá Ruvdnaprinseassa World Economic Forums jahkásaš čoahkkimin mat leat Davosis ođđajagimánus. Dasa lassin čuovvu son maid regionála YGL čoahkkimiid iešguđet guovllus máilmmis. Young Global Leaders searvevuohta lea vuollel 40 jahkásaš jođiheddjiid váste, ja guoská dákkár surggiide; ealáhusat, politihkka, kultuvra, eaktodáhtolaš organisášuvnnat ja eiseválddit.
Global Shapers
2012:s vuođđudii World Economic Forum ođđa fierpmádaga gaskal 20-30 jahkásaš jođiheddjiide. Dat dahkkui dan duohtavuođa vuođul ahte badjel bealli máimmi olbmuin dál leat vuollel 27 jagi – ja danin lea ge vel deháleabbo go goassege ovdal gullat nuoraid jiena.
Global Shapers joavkkut leat ásahuvvon gávpogiidda miehtá máilmmi, juohke báikkis lea Young Global Leader mentorin. Oslos lea Ruvdnaprinseassa mentor joavkkus mas leat jođiheaddji iešguđet suorggis. Borgemánus 2012 álggii Ruvdnaprinseassa The Foundation Board of The Global Shapers Community stivralahttun.
Deaddel stuorát gova