Arktalaš loahpaheapmi

Sii álge konferánssain maid INTSOK – Norwegian Oil and Gas Partners lágidii. Norga lea njunnošis olles máilmmis petroleumteknologiija ovddideamis mii guoská arktalaš dilálašvuođaide, ja Norgga doaimmat sáhttet šaddat hui ávkkálažžan diekkár doaimmain Alaskas, logai Gonagas, iežas rahpansártnistis konferánssas gos ledje sullii 150 oasseváldi:

- I am confident that Norwegian companies will make worthwhile and responsible partners for Alaska’s oil industry, and can thus make important contributions to Alaska’s economic growth. Both due to their technology and expertise, and to their high standards for sustainability and environmental protection.

Poláraidja

Anchorage Museas beasai Gonagas Harald oaidnit čájáhusa «Polar Night: Life and Light in the Dead of Night» ja dasa lassin beasai vel geahčadit muđui musea arktalaš čoakkáldagaid.

Polaridja lea de go idja bistá guhkit go 24 diimmu. Dat dáhpáhuvvá dušše poláragierdduid siskkobealde ja lea juste nuppe láhkai go idjabeaivváš. Čájáhus duođašta dan ahte ii lea nu ahte arktalaš ekovuogádat oađđá dien guhkes ija miehtá. Ii, muhto lea baicca nu ahte arktalaš guovllus lea dálvet maid dievva eallin. Dan čájehedje Norgga dutkit geat ledje iskan ekovuogádaga čázi vuolde olggobealde Svalbarda.

Čájáhus lea ráhkaduvvon ovttas Romssa Universitehtain.

Looking North Together

Gonagas rabai nuppi konferánssa dien beaivvi go doalai sártni davviguovlluid konferánssas «Looking North Together: The US and Norway in a Quest for Arctic Knowledge. Gonagas vuolláisárggastii dan man dehálaš lea skáhppot eanemus lági mielde máhtu ja dieđuid dán govllu birra:

- Knowledge must be our guiding light as we seek to address our shared challenges. Unless we increase our knowledge, we will never deepen our understanding of the complexity of the region.

 Roald Amundsen once said that “Victory awaits him who has everything in order — luck, people call it. Defeat is certain for him who has neglected to take the necessary precautions in time; this is called bad luck.”

To the experts who will speak after me at this lunch – and at the roundtable discussion after lunch – I would like to say: Take Amundsen’s advice seriously. Let no stone be left unturned as you seek to increase our understanding about the Arctic.

Lunššas mii lei maŋŋá konferánssa, beasai Gonagas Harald čuovvut máŋga sáhkavuoru arktalaš guovllu iskkademiid ja dálkkádatdutkamiid birra.

Dutkanovttasbargu

Maŋŋel gaskabeaivvi finai Gonagas University of Alaska Anchorage (UAA). Doppe muitaledje sutnje makkár ovttasbargu universitehtas lea Norggain, ja sin mielas nanusmuvai dutkanovttasbargu vel eanet go University of Alaska Anchorage ja Romssa Universitehta leat vuolláičállán ovttasbargosoahpamuša - A memorandum of understanding – mii guoská ovttasbargui davvin.

Gonagas Harald oaččui maid vejolašvuođa ságastallat muhtun studeantajoavkkuiguin universitehtas, ja dan maŋŋá sus lei preassadeaivvadeapmi dán mátkki maŋemus guossástallamis.

Loahpaheapmi Sons of Norway searvvis

Sons of Norway lea máilmmi stuorámus norgalaš – amerihkkálaš searvi. Dan vuođđudedje norgalaččat 1895:s, veahkkin norgalaš sisafárrejeddjiide. Dál gávdnojit máŋga čuođi ossodaga mat barget Norgga kulturárbbi bisuhemiin Amerihká ja Canada álbmogiid gaskkas geat leat norgalaččaid maŋisboahttit.

Sons of Norway searvi gávdno maid Anchorages, Alaskas. Báikkálaš searvi lea ožžon namas norgalaš amerihkkálaš Bernt Balchen nama mielde, guhte lei poláragirdimis pioneara. Dien searvvi guossástallamiin loahpahii Gonagas Harald iežas almmolaš guossástallama Washington ja Alaskas.