Oahppu lea olmmošvuoigatvuohta
“Education is a fundamental human right; it is also essential for ensuring inclusive, equitable and sustainable development” . Gonagaslaš Allavuohta Ruvdnaprinsa doalai sáhkavuoru UNESCOS odne.
Odne rahppojuvvui UNESCO 38. generalkongreassa. Boahtte 14 beaivvi galget dat 195 miellahttoriikka ságastallat ja boahtit ovttaide das makkár njuolggadusat ja vuoruheamit boahttevaš guovtti jahkái galget leat. Ruvdnaprinsa Haakon lei sárdnestuolus Pariissas odne.
Seamma áigeguovdil dál
Lea 70 jagi dan rájes UNESCO vuođđuduvvui dakka maŋŋá 2.máilmmisoađi. Mandáhttan lei váikkuhit dasa ahte bisuhit ráfi ja oadjebasvuođa máilmmi našuvnnain, oahpu, dutkama,kultuvrra ja gulahallama bokte.
- UNESCO’s role and mandate is as important today as it was 70 years ago, sa Kronprinsen i formiddag. - Education, science, culture, communication and information are all essential in a world where people are increasingly interconnected and dependent on each other.
Okta dain nannoseamos vuođđojulggiin UNESCO bargguin lea oahppu.
Oahppu lea olmmošvuoigatvuohta
Otná dilli lea nu ahte eanet go 120 miljovnna máná ja nuora eai leat makkárge skuvllas. Geafivuohta, katastrofat ja soađit rivvejit ollu miljovnna olbmuin dan vejolašvuođa maid oahppu attášii go galgá hukset boahttevuođa alccesis ja iežas lagamuččaide. Ruvdnaprinsa čujuhii dasa ahte lea dárbu sihkkarastit oahppovejolašvuođaid heahtediliin:
- Hardest hit are the many victims of war, natural disasters and epidemics. Increased efforts are needed to prevent military attacks on schools and universities. More support is necessary to ensure quality education in emergencies and protracted crises.
Education is a fundamental human right; it is also essential for ensuring inclusive, equitable and sustainable development. Quality education provides people with the skills, knowledge and values they need to tackle the various challenges they are likely to face in society.
Oadjebas skuvllat
Ruvdnaprinsa čilgii dárkileappot dan man dehálaš lea sihkkarastit skuvllaid sierra lágidemiid bokte mat gusket oahpu suodjaleapmái riidodiliin. Dušše Syrias lea leamaš badjel 4000 skuvlafalleheami maŋemus njealji jagis.
Norga lea leamaš njunnošis barggus ahte oažžut áigái julggaštusa oadjebas skuvllaid birra, ja dat ovdanbuktojuvvui konferánssas Norggas ovdalaš dán jagi. Dán rádjái leat 50 riikka searvan julggaštussii, mii maiddái sisttisdoallá praktihkalaš njuolggadusaid mat gusket dasa movt galggašii geahpedit vearjoriidduid váikkuhemiid skuvllaide ja universitehtaide, ja nu maid suodjalit ohppiid ja studeanttaid.
- Nowhere is the need to strengthen education more urgent than in situations of armed conflict. Norway remains committed to working towards safe schools for all, and we look forward to continued cooperation with UNESCO and many of our partners present here today, loahpahii Ruvdnaprinsa Haakon sáhkavuorustis.
#Unite4Heritage
Ruvdnaprinsa Haakon lea maid leamaš UNESCO čoahkkimiin odne, deattuheamen dan barggu maid Norga bargá dan ektui ahte hehttet kulturárbbi ja monumeanttaid billistemiid. Diekkár billisteamit leat ollu duođaleappot go dušše huksehusaid njeaidin. Diekko bokte geahččalit jávkadit álbmogiid gullevašvuođa iežaset ruovttueatnamiidda, iežaset kultuvrii – ja seammás buktá lobihis dáiddadávvir gávppašeapmi stuora dietnasa terrororganisašuvnnaide. UNESCO bidjá stuora návccaid dien doaimma bisseheapmái. Okta dain doaimmain lea kampánja #Unite4Heritage mas váldet atnui sosiála mediaid maid bokte hásttuhit nuoraid suodjalit máilmmiárbbi.
Ruvdnaprinsa gesii eske sárdnestuolus ovdan dan barggu maid UNESCO bargá kulturárbbi ja min kultuvrralaš girjáivuođa suodjaleami oktavuođas, ja namuhii earenoamážit dien kampánjja:
- Through initiatives such as the #Unite4Heritage campaign, launched in Baghdad earlier this year, violent extremism and thefts will be defeated with both specific countermeasures and a joint universal message of tolerance and dialogue.
Odne veaigin lea Ruvdnaprinsa Haakon fárus čoahkkimis gos gieđahallet dan movt galget čuovvolit guoddilvuođamihtuid mat gusket ohppui. Son galgá maid guossástallat Lycée Diderot ja lágideami gos ovddidit Norgga borramušaid Frankriikkas.