Ovttasbargu ja vásáhusaid lonohallan
Teknologiija, suodjalus ja dearvvašvuohta ledje golbma guovddáš fáttá Gonagasbára otná stáhtaguossástallamis Suomas. Otná beaivvi agenda lei dieid dehálaš surggiid ovttasbargu ja vejolašvuođat.
Norgga ealáhusat vásihit dál nuppástuvvanáigodaga, earenoamážit danin go petroleumsuorggis manná heajubut. Suopma lea juo vásihan diekkár sullasaš hástalusaid, maŋŋá go muhtun deháleamos cakkiin suoma ekonomiijas gahččagohte muhtun jagiid dás ovdal. Suoma vásáhusain sáhttá Norga oahppat. Min guovtti riikkas lea juo viiddis ovttasbargu, muhto lea ain bures vejolaš dan viiddidit.
Ráđđehusa bealis čuvvot stáhtaguossástallanmátkki sihke olgoriikkaministtar Børge Brende, ealáhusministtar Monica Mæland, dearvvašvuođaministtar Bent Høie ja suodjalusministtar Ine Eriksen Søreide, ja dasa lassin leat norgga fitnodagain lagabui 90 ovddasteaddji geat leat fárus delegašuvnnas mii čuovvu Gonagasbára.
Ođđa teknologiija spealuide ja oahpahussii
Majestehtaguovttos Gonagas ja Dronnet čuovuiga suoma-norgga ealáhusseminára ovttas Suoma presideantabárain. Maŋŋá seminára rahpama besse sii oaidnit ja gullat norgga suodjalushoidduid birra, ja dan maŋŋá lei vejolašvuohta dárkileappot oahpásnuvvat boahtteáiggi teknologiija vejolašvuođaiguin.
Oslo Edtech Cluster lei okta dain fitnodagain mii beasai iežas birra muitalit. Sii barget norgga oahppoteknologiija ovddidemiin, kommersialiseremiin ja olgoriikkaide vuovdalemiin. Suoma gründer Mervi Pänkäläinen presenterii Mightifier Gonagasbárrii – mii lea luohkkálanja buori feedback áppa.
Workshopas «Games on» beasaiga Gonagas ja Dronnet deaivvadit suoma Colossal Order ja norgga Snow Castle Games. Speallanteknologiija lea dál arvat stuorát ealáhus Suomas go Norggas, muhto maiddái norggas ovddiduvvon Funrun 2 cahkkehii Dronnega beroštumi, ja su hástaledje speallat suoma vuosttašroavvá vuostá.
Ođđaáigásaš teknologiija mii heive smarta telefuvnnaide ja breahtaide – mas áinnas vel lea veaháš «gaming» - rahpá ođđa vejolašvuođaid oahpaheamis. Dat dahká vejolažžan geavahit ođđa gaskkustanvugiid lassin dábálaš oahpaheapmái, ja dahká maid vejolažžan gaskkustit oahpu dakkár báikkiide gos dál ii leat vejolaš oažžut oahpu.
Lasihit njealját fáttá: Dásseárvvu
Otná ealáhuslunša čohkkii badjel 300 suoma ja norgga ealáhusaid ovddasteddjiid. Dronnet Sonja doalai sártni lunšša oktavuođas, ja buvttii dehálaš fáttá ságastallamii. Dronnet deattuhii dan ahte sihke Suopma ja Norga leat njunnošis mii guoská dásseárvui, ja leat ge riikkat maidda ollu eará riikkat gehččet go lea sáhka dásseárvogažaldagain. Liikká leat dušše 16 % norgga ealáhusjođiheddjiin nissonolbmot – 28 % suoma ealáhusjođiheddjiin leat nissonolbmot.
- Technology, Defense and Health are the three main focus areas for this visit. These are sectors where we hope to further develop our cooperation and strengthen our bilateral relations. In addition to all these issues on our bilateral agenda - why not add a fourth focus area that we could all bear in mind: Why not support each other to secure that we are not stuck in old mindsets concerning gender equality? Aren't these aspects also relevant for productivity and competitiveness?
Dearvvašvuohta
Veaigin jotke mátkkálaččat mátkki Biomedicumii, mii leat dutkan – ja oahpahusguovddáš mii gullá Helsset universitehtabuohccivissui. Doppe jođihii Erik Fosse ságastallama dearvvašvuođa, innovašuvnna ja teknologiija birra, mat leat dakkár suorggit main leat buorit vejolašvuođat ovddidit ealáhusaid main maiddái lea buorre ávki sihke pasieanttaide ja dearvvašvuođa ásahusaide.
Otná ealáhusprográmma loahpahuvvui Fiskartorpet báikkis, gos lei beavddebirra digaštallan mas ledje mielde maritiima industriija, suodjalusa, energiija, ruvkkiid ja siskkáldasstruktuvrra fitnodagaid ovddasteaddjit
Vuostáiváldin
Eahkes lea ambassadevra Åge Grutle njunnošis vuostáiváldin dilálašvuođas gos sihke Gonagasbárra ja Presideantabárra leat mielde. Sii besset earet eará gullat konseartta maid jazzmusihkar Håkon Kornstad jođiha.
Ihttin vuolgima Gonagas ja Dronnet Uleåborgii Davvi-Suomas, gos soai earet eará fitnaba Nokia-fabrihkas.