Ruvdnaprinsabárra Guovdageainnus
DD.KK.HH. Ruvdnaprinsa Haakon ja Ruvdnaprinseassa Mette-Marit finaiga Guovdageainnus ja Kárájogas Sámi álbmotbeaivvi ávvudeami oktavođas guovvamánu 6. beaivvi.
Ruvdnaprinsabára guossástallan álggii Guovdageainnus guovvamánu 5. beaivvi:
Logaldallan boazodoalu birra
Guovdageainnus beasaiga Ruvdnaprinsa ja Ruvdnaprinseassa gullat davviguovlluid boazodoalu birra. Lei Anders Oskal gii doalai dan logaldallama. Oskal lea The International Centre for Reindeer Husbandry jođiheaddji.
Skohtermátki Bađájohkii
Maŋŋel logaldallama vulge sii mátkkotit skohteriin Ávis Bađájohkii. Mátkki vuolde bisánedje sii moatte geardde. Álggos bisánedje Sonjavađas, gos muittaedje ahte lea 40 jagi vássán dan rájes dalá Ruvdnaprinseassa Sona finai dien báikkis.
EALAT dutkanproeavtta fealtabáikkis muitaledje Ruvdnaprinsabárrii oanehaččat proeavtta birra. Go doppe vulge, de sii bisánedje Ávevuomis gos Ole Henrik Magga muitalii dálu sámiid kultuvrra birra.
Ealoluhtte
Ja de joavddaiga Ruvdnaprinsa ja Ruvdnaprinseassa ártnihasaid siidii, goas soai beasaiga ealu oadnit ja fitnat lávus. Guovdageainnu joatkkaskuvlla ja boazodoalloskuvlla oahppit čájehedje movt suohpaniin galgá njoarostit ja movt vuodjit gilvvu herggiiguin.
Sámi borramuat
Ruvdnaprinsa Haakon ja Ruvdnaprinseassa Mette-Marit beasaiga máistet sámi borramuaid beaiveborramuan. Sii guossohedje sudnuide bohccobierggu nugo sápmelaččat dán lávejit vuoat ja guossohit. Boradettiin muitalii Karen Anna Logje Gaup dan birra go Gonagasbárra finai su guossis dalle go soai leigga headjamátkkoteamis 1969:s.
Ruvdnaprinsabárra beasai maid oahppat movt sápmelaččat oidnet muohttagis nuppástuvvamiid mat čuvvot dálkkádagaid rievdamiid.
Dan maŋŋá vulggiiga Ruvdnaprinsa ja Ruvdnaprinseassa Jergol Duottarstohpui, gos guossohedje mállásiid ja goas soai oruiga lávus ija.