Ollu vásáhusat Mexicos
Nuppi beaivvi Gonagasla Allavuođaguovtto Ruvdnaprinssa ja Ruvdnaprinseassa Mexico guossástallamis beasaiga soai vásihit sihke ealáhusberotumiid, dearvvavuođa ja kultuvrra.
Dasa lassin doalai Ruvdnaprinsa Haakon logaldallama duhátjagiulbmiliid birra UNAM - Universitehtas Nacional Autónoma de Mexico.
Iđđes boradii Ruvdnaprinsa álggos ealáhusiđitbiepmu ovdal go almmolaččat rabai ovtta ealáhusseminára Mexico Citys.
Ealáhusat
Meksikána ekonomiija lea máilmmi 15 stuorámus ealáhusaid searvvis, ja Mexico lea miellagiddeva ovttasbargoguoibmi norgga ealáhusaide. Ruvdnaprinsabára Mexico delegauvnnas leat fárus badjel 80 ovddasteaddji eanet go 50 norgga fitnodagain.
Club de Industriales lea Mexicos deháleamos forum ealáhusolbmuide. Ruvdnaprinsa Haakon rabai otná seminára ja deattuhii sáhkavuorustis makkár vejolavuođat leat ain viiddidit ovttasbargguid. Norga ja Mexico ovttasbargaba juo ollu surggiin, eandalii petroleumindustriijas. Ruvdnaprinsa deattuhii ahte ávkkástallan ferte dáhpáhuvvat luonddu gierdama ja ovddasvástideami vuođul, ja ahte dien dáfus sáhttá norgga teknologiija leat ávkkála veahkki.
Finai HIV/Aids-klinihkas
Ruvdnaprinseassa Mette-Marit finai Clinica Condesa HIV-Aids-klinihkas. Dát lea almmola dearvvavuođaklinihkka gos leat spesialiseren ieaset HIV/Aids dálkkodeapmái ja eastadanbargguide. Dáppe gávnnadit maid dat ieguđetlágan doarjjajoavkkut. Klinihkka diku birrasii 6000 pasieantta jahkásaččat, ja lea áidna klinihkka Mexico Citys mii váldá vuostá pasieanttaid geain ii leat buohcandáhkádus. Clinica Condesas lea sierra prográmma mii čalmmustahttá olmmovuoigatvuođaid ja bargá HIV-eastademiin dakkár olbmuiguin geat leat gillán seksualála illásteami.
Lei klinihka jođiheaddji dr. Andrea Gonzáles Rodriguez gii válddii vuostá Ruvdnaprinseassa, ja Ruvdnaprinseassa beasai maid deaivvadit olbmuiguin geat leat ohcan klinihkas veahki.
Horacio Franco čuojahii musihka gussiide. Son lea okta máilmmi čeahpimus njurggonas čuojaheddjiin, ja geavaha ieas beakkánvuođa ovddidit homofiillaid vuoigatvuođaid.
Logaldallan duhátjagiulbmiliid birra
Ruvdnaprinsa ja Ruvdnaprinseassa manaiga goappeagat UNAMii – mii lea almmola universitehta man váldobáiki lea Mexico Citys. UNAM universitehtas leat 300.000 studeantta ja doppe čađahit stuora oasi Mexico dutkandoaimmain. Dáppe doalai Ruvdnaprinsa logaldallama dan birra makkár vásáhusaid son lea čohkken UNDP-ambassadevra doaimmas ja son logaldalai maid UN duhátjagiulbmiliid birra. Maŋŋá logaldallama vástidii Ruvdnaprinsa studeanttaid gaaldagaid.
Rabai arkiteaktačájáhusa
Ruvdnaprinseassa čađahii Kristin Jarmund Architects- Selected work almmola rahpama. Das ovdanbuktet norgga arkitektuvrra ollislaččat, leat sihke čájáhusat, logaldallamat ja workshop. Dat lea jurddauvvon leat vuođđun guhkesáiggi ovttasbargui UNAM ja NTNU Trondheim arkitektuvra fakultehtaid gaskka.
Kristin Jarmund lei ie maid doppe, ja son muitalii čájáhusa birra ja movt sin dainna leat bargan.
Norgga filbmavahkku
Ruvdnaprinsa Haakon lea norgga filmmaid suodjaleaddji, ja son doalai rahpansártni mii álggahii ovttasbarggu gaskal Norgga ja Mexico filbmainstituhtaid.
Ollu norgga filmma ovddasteaddjit leat mielde dán norgga delegauvnnas, earet eará filbmadahkkit Nils Gaup, Bent Hamer, Bård Breien ja Eva Sørhaug, geain buohkain leat filmmat mat galget čájehuvvot Guadalajara filbmafestiválas maŋŋela dan vahku.
Čájehuvvui oassi visot dan viđa filmmas mat galget čájehuvvot, ja Nils Gaup doalai oaneha álgosága Kautokeinoopprøret filmma birra. Kautokeinoopprøret /Guovdageainnu stuimmit lea Mexico City norgga filbmavahku rahpanfilbma.
Vuostáváldin
Beaivi loahpahuvvui almmola vuostáiváldimiin, maid Knut Solem, Norgga ambassadevra Mexicos, lágidii.