Rabaiga eamiálbmotseminára
Ruvdnaprinseassa Mette-Marit čađahii eamiálbmotseminára almmola rahpama Museo de la Antropologias – Mexico City antropologala museas. Ruvdnaprinseassa álggahii rahpansártni sámegillii, ja muitalii makkár dilli sápmelaččain lea leama Norggas ovdala áiggi, ja makkár dilli sis lea dál.
Ođđaáiggis lea sihke Norga ja Mexico bargan eamiálbmogiid vuoigatvuođaid ovddidemiin ON:s, čujuhii Ruvdnaprinseassa: Norway and Mexico have a long tradition of cooperation on issues relating to indigenous peoples, particularly in international organisations like the UN. Both our countries worked hard to negotiate and promote the UN Declaration on the Rights of Indigenous Peoples.
Maŋŋá seminára rahpama beasai Ruvdnaprinsabárra oaidnit ja gullat antropologala musea birra.
Museo de la Antropologia
Mexico City antropologala musea lea máilmmi stuorámus ja eanemus árvvusadnojuvvon. Doppe leat Mexico stuorámus čoakkáldagat ja čájáhusat mat gusket maya, aztekaid ja ollu eará dovddus eamiálbmogiid eallimii.
Ruvdnaprinsabára guossástallama oktavuođas ledje ráhkadan Carl Sofus Lumholz govain ja jienaidčohkkemiin čájáhusa. Lumholz lei norgga fuomáeaddji mátkkála, etnográfa ja girječálli gii mátkkotii Mexicoi 1890:s ja orui doppe ovttas eamiálbmogiiguin oarjjadavágeahčen riikka. Girji Unknown Mexico mii bođii 1902:s, lea dien ássama boađus.
Viidáseappot Veracruzii
Maŋŋelgaskabeaivvi vulggii Ruvdnaprinsabárra Mexico Citys ja soai mátkkoteigga viidáseappot Veracruzii. Veracruz lea dehála hámmángávpot, ja ollu norgga skiippat bisánit dán hámmánii. Eahkes leigga Rudnaprinsa ja Ruvdnaprinseassa almmola málesguossis Museo de la Ciudad:s. Mállásiid guossohii Fidel Herrera, Veracruz stáhta guvernøra.