Maŋemus beaivi Mexicos

Golfas

Ruvdnaprinsa Haakon guossástalai nugohčoduvvon FPSO (Floating Production Storage and Offloading vessel) ovttas earet eará oljo-ja energiijaministariin Terje Riis-Johanseniin. Lea meksikána stáhtalaš oljofitnodat Pemex mii oamasta skiippa, muhto 80 % fatnasa biergasiin leat boahtán Norggas ja ovttadaga jođiha BW Offshore (Bergesen).

Mexico ja Norga gullaba máilmmi 10 stuorámus oljobuvttadeaddji riikkaide. Danin leat ge dán suorggis stuora ovttasbargovejolašvuođat, eandalii mii guoská čiekŋalis fávlliid oljobohkan teknoligiijai.

Rabai ealáhusseminára

Norgga-Mexico ovttasbargu petroleumsuorggis lei guovdážis go Ruvdnaprinseassa Mette-Marit rabai ealáhusseminára Veracruzas. Rahpansártnistis logai Ruvdnaprinseassa earet eará:

”The petroleum sector is vital in both our economies and a focus area for this visit (…) Mexico is one of the largest producers of oil and gas in the world with huge unexplored potential deepwater resources. At the Norwegian continental shelf the recovery rate has increased from 17 per cent in the early 70’ies, to a recovery rate of 46 per cent today. The Norwegian technological solutions for development of deepwater discoveries will be presented here today.”

Lassin oljoságaide, de lei gáfiid vuovdin maid dehálaš fáddá semináras. Earret Suoma, de lea Norga dat riika máilmmis gos olbmot juhket eanemus gáfe. Gáfet leat ge okta dain gálvosorttain mat lea deháleamos vuovdingálvun Mexicos.

Kulturguovddáš ja guossástallan hámmánis

Maŋŋá seminára rahpama, finai Ruvdnaprinseassa IVEC kulturguovddážis Veracruzas. Dáppe beasai Ruvdnaprinseassa vásihit sihke dánsenčájáhallamiid ja báikkálaš dáiddaduodječájáhusa.

Veracruz lea hámmán gosa ollu norgga skiippat bohtet. Hámmánhoavda Juan Ignacio Fernández Carbajal čájehii Ruvdnaprinsessii diehtoguovddáža.

Mátki loahppa Mexico Citys

Maŋŋelgaskabeaivvi mátkkoštii Ruvdnaprinsabárra ruovttoluotta Mexico Cityi, gos guossástallan loahpahuvvui, ja soai leigga almmolaš lunsjas Presideantta Felipe Calderón ja su roavvá Margarita Zavala luhtte.