Čuoigan-ja njuiken Máilmmimeasttirgilvvut (MM) álgán
Gonagasbeara lei Dálveoaivegávpogis go Oslo sávai olles máilbmái buresboahtima sabehiiguin gilvvohallat MM - gilvvuin odne eahkes. Badjel 50.000 olbmo ledje boahtán čuovvut rahpanseremoniija Universitehtailjus.
Eanet go 1700 máná Oslos skuvllain álggahedje rahpandilálavuođa. Gonagasa Garde láidestii mánáid loahttailjus, loahttamiellis vulos Universitehtailljui, ja mánát gudde buot daid nauvnnaid leavggaid main leat oassálastit Máilmmimeasttirgilvvuin.
Svein Aaser, MM ovdaolmmo, álggahii ja dasto rabai FIS-presideanta, Gianfranco Kasper gilvvuid almmolaččat. Sátnejođiheaddji Fabian Stang giitii earenoamáit mánáid: – Din dihte mii lágidit MM-gilvvuid, ja din dihte mii leat huksen Holmenkollena, logai Oslo-sátnejođiheaddji, ja dáhtui buohkaid hávskkohallat boahtteva beivviid.
Boahtte oktanuppelohkái beaivvi galget 50 nauvnna gilvaleaddjit gilvvohallat 21 ieguđetlágan gilvvuin Holmenkollenis. Gonagas Harald čuovvu gilvvuid juohke beaivvi, ja su fárus dáidet eanas áiggi leat maiddái earát Gonagasbearrais. Ruvdnaprinsa Haakon lea Máilmmimeasttirgilvvuid váldolávdegotti lahttu, son áigu čuovvut ollu gilvvohallamiid ja maiddái fitnat gilvvohallanlágideami rusttegiid geahččame.
Kultuvra guovddáis
Čađat dan áiggi go Máilmmimeasttirgilvvut leat, lágiduvvojit ieguđetlágan doalut Oslo gávpotguovddáis. Medáljajuohkin dáhpáhuvvá Universitehtailjus juohke eahket, ja dan ovdál lágiduvvojit konsearttat ja kulturdoalut. Spikersuppas, nuppe bealde Karl Johan gáhta, leat ceggejuvvon buvddat gos olbmot besset oastit borramua ja juhkamua.
Dasa lassin leat maŋemus beivviid ceggejuvvon gávcci jiekŋaskulptuvrra:
Munch muohttagis ja jieŋas
Karl Johan gáhta guoras leat viđa riikka jiekŋadáiddára ráhkadan jiekŋaskulptuvrraid maidda leat inspirauvnna viean Edvard Munch maleriijaid motiivvain. Daid beivviid leat Spikersuppai fievrredan 500 tonna muohttaga ja 45 kubihka jieŋa, ja dain leat hábmen earet eará "Skrik", "Syk pike" ja "Aften på Karl Johan". loahttamiellái lea ráhkaduvvon 15 metter guhkkosa Pikene på broen skulptuvra.
Feastamállásat
Eahkes leat Gonagas Harald ja Dronnet Sonja, Ruvdnaprinsa Haakon ja Ruvdnaprinseassa Mette-Marit guossin Ráđđeviesus, gosa Oslo sátnejođiheaddji Fabian Stang lea bovden Máilmmimeasttirgilvvuid rahpanmállásiidda.