Mánáidgárddit, skuvllat, universitehtat ja eará oahpahusásahusat giddejuvvojedje duorastaga njukčamánu 12. beaivvi 2020. Miessemánu 15. beaivvi rádjái rahppojuvvojedje buot mánáidgárddit ja buot ceahkit vuođđo- ja joatkkaskuvllas.
Mánáidgárddit
Cuoŋománu 20. beaivvi rájes rahpasedje mánáidgárddit. Mánáidgárddiide lea ráhkaduvvon njoammuneastadanbagadus.
Dieđuid váhnemiidda ja mánáide gávnnat Oahpahusdirektoráhta siidduin.
Dát dieđut leat jorgaluvvon máŋgga gillii dáppe.
Vásáhusat Kiinnás ja eará riikkain čájehit ahte mánát unnán njoammudit koronavirusa. Dat ii mearkkaš ahte sii eai sáhte njoammudit earáide, muhto ahte leat unnán mánát geaidda koronavirus lea njommon, ja ahte mánát leat unnán njoammudan dan viidáseappot. Ruoŧas, gos mánáidgárddit leat čađat leamaš rabas, eai leat fuomášuvvon dávdamearkkat mat čájehivčče ahte dávda lea njommon sidjiide.
Skuvllat
Cuoŋománu 27. beaivvi rahppojuvvojedje skuvllat fas 1.-4. Cehkiide ja astoáiggefálaldagat.
Miessemánu 15. beaivvi rádjái rahppojuvvojedje vuođđoskuvllat ja joatkkaskuvllat buot cehkiide.
Eaktun dasa lea ahte dat sáhttá dahkkojuvvot njoammunsuodjalus¬fágalaš bealuštahtti láhkái. Váhnemiin galgá leat oadjebasat dan dáfus ahte ii leat várálaš sáddet mánáid mánáidgárdái ja bargiide galgá leat oadjebas dovdu mannat bargui.
Ovdalgihtii várrogasvuođa prinsihpa mielde rávvet ahte soames mánát eai boađe skuvlii. Dat lea unnidan dihte njoammunriskka. Norgga mánáiddoaktáriid searvi lea ovttasráđiid Álbmotdearvvašvuođainstituhtain ráhkadan listtu en mánáid ja nuoraid diagnosain, ja man muddui berre daid erenoamážit vuhtii váldit.
Álbmotdearvvašvuođainstituhtas leat rávvagat ja dieđut mánáide ja nuoraide gos vástidit gažaldagaid koronavirusa ja njoammuneastadeami birra go mánáidgárddit ja skuvllat fas rahpasit.
Universitehtat, allaskuvllat, fágaskuvllat ja álbmotallaskuvllat
- Universitehtat, allaskuvllat ja fágaskuvllat galget ain čađahit gáiddusoahpahusa. Studeanttat geat fertejit leat oahpposajis doalahan dihte oahppoprogrešuvnna, sáhttet leat doppe. Oahpposadji galgá čuovvut njuolggadusaid njoammuneastadan¬fágalaš dohkálaš doaimma birra.
- Oahppolihtuid ja Kompetansepluss kursadoaimmat galget joatkit gáiddus-oahpahusain. Studeanttat geat fertejit leat oahpposajis doalahan dihte oahppoprogrešuvnna, sáhttet leat doppe. Oahpposadji galgá čuovvut njuolggadusaid njoammuneastadan¬fágalaš dohkálaš doaimma birra.
- Álbmotallaskuvllat dollojuvvojit gitta skuvlajagi loahpa rádjái, earret oanehiskurssat.
Spiehkasteamit ja rabasáiggit
Lea deaŧalaš doalahit doaimmaid jođus dearvvašvuođa- ja fuolahus¬bálvalusain ja eará dárbbašlaš servodatdoaimmain.
Danne ferte báikkálaččat fuolahuvvot ahte lea fálaldat daid olbmuid mánáide geat barget dearvvašvuođa- ja fuolahusbálvalusas, fievrredandoaimmain dahje eará dárbbašlaš servodatdoaimmain. Seamma guoská mánáide geain leat erenoamáš fuolahusdárbbut mat eai devdojuvvo jus skuvllas, mánáidgárddis dahje eará beaivefuolahusain lea oaniduvvon rabasáigi.
Leat guokte vejolašvuođa oažžut fálaldaga. Loga eambbo Oahpahusdirektoráhta siidduin. Doppe lea maid čilgejuvvon ahte jus mánáidgárdi oanida rabasáiggi, de galget liikká fállat guhkit rabasáiggi mánáide geaid váhnemiid leat deaŧalaš servodatdoaimmat.
Mánáidgárddit galget vuoruhit dán joavkku ja sihkkarastit ahte sis lea fálaldat vaikko mánáidgárdi lea muđui mearridan oanidit rabasáiggi.