Meahciráđđehusa biraspolitihkka 

1. Luondduriggodagaid dikšun máŋgga ulbmila mielde

Meahciráđđehus buvttada máŋggabealálaš bálvalusaid ja dárbašiid, mat vuođđuduvvet luondduriggodagaid atnui, dikšumii ja suodjaleapmái. Fitnodatdoaimma guovllut leat vuvddiid dikšun ja muorraháhkan, meahcceopmodaga divššu bálvalusat, vuovdemuoraid vesáid ja siepmaniid buvttadeapmi, luondduturisma, riikkaidgaskasaš máhttu sihke eanangávpebálvalusat, eananláigoheapmi, giddodatgaskkusteapmi ja eananávnnasgávpi. Servodatlaš luonddubálvalusat leat suodjalanguovlluid dikšun sihke eará luonddusuodjalanbarggut ja luonddu áhpásmuhttinanu ovddideapmi. Birasvuogádat gokčá buot boađusguovlluid ja nieidafitnodagaid doaimma.

2. Ovddasvástádus birrasis

Mii doahttalit láhkamearrádusaid, riikkaidgaskasaš soahpamušaid sihke iežamet almmustuhttin birasčatnasemiid ja Suoma vuovdesertifiserema standárddaid, mat leat min hálddašeami vuollásaččat. Mii ovddidit riikkaidgaskasaš birassoahpamušaid ollašuvvama ruovttueatnamis ja riikkaidgaskasaš prošeavttain. Oktasaš vuođđooidnomet lea ekologalaš, ekonomalaš, sosiála ja kultuvrralaš nanusvuođa oktiiheiveheapmi. Bargiideamet ja soahpamušfitnodatolbmuideamet dieđut ja dáiddut birasáššiin gárgehuvvojit skuvlejumiin ja auditeremiiguin jeavddalaččat.

3. Jotkkolaš buorideapmi

Bargomet gárggiideapmi vuođđuduvvá meahciráđđehusa oktasaš árvvuide ja juohkehačča persovnnalaš ovddasvástádussii birasáššiid bistevaš buorideamis. Meahciráđđehusa barggu eanemus mearkkašahtti birasvuhtiiváldimušat laktásit luondduriggodagaid atnui, luonddu máŋggalágánvuođa doalaheapmái, čáziidsuodjaleapmái ja eatnamiiddikšumii. Birasvuhtiiváldimušat ja –riskkat árvvoštallojuvvojit jahkásaččat. Birasvuhtiiváldimušaid hálddašeami ja birasdikšuma jotkkolaš buorideami várás meroštallat birasulbmiliid, -mihttomeriid, -rávvagiid ja bearráigeahččanvugiid.

4. Rabas oktasašbargu

Dieđihit rahpasit doaibmamet birasváikkuhusain ja birrasa suodjaleami dási nuppástusain. Fállat báikkálaš olbmuide ja čanusjoavkkuide vejolašvuođaid oassálastit doaimma plánemii, mii váikkuha sin eallinbirrasii. Oktasašbarggu mielde dorvvastit min beales maid sámi kultuvrra seailuma ja luondduealáhusaid doaibmaneavttuid. 

Meahciráđđehusa stivra mearrádus 20.12.2013.