Meahciráđđehus suodjala maiddái kulturárbbi

Oinnolaččamus oassi Meahciráđđehusa divššu vuollásaš kulturárbbis leat baores ráhkadusat ja dološbázahusat. Dan lassin mii bajásdoallat ee. ráhkadusaid ja kulturbirrasiid dikšumii gullevaš árbedáidduid ja juohkit dieđu guovllu historjjás.

Stuorámus ovttas stáhta eana- ja čáhceopmodaga hálddašeaddjin Meahciráđđehus vástida maiddái máŋggaid kulturárbebáikkiid seailumis: álbmotmehciid árbedáluin, olgosuologuovllu dološ geađgebardimiin ja sápmelaččaid huksenárbevierus. Meahciráđđehus dikšu báikkiid musealágádusvirgeoapmahaččaiguin ovttasbarggus. Muhtun báikkot laktásit Meahciráđđehusa iežas historjái, lagamustá vuovdedollui.

Kártet maiddái čázevuole kulturárbbi.

Lágat ja soahpamušat addet Meahciráđđehussii ovddasvástádusa gáhttet kulturárbbi

Meahciráđđehusas lea lágas ásahuvvon geatnegasvuohta dorvvastit sámekultuvrra hárjeheami eavttuid sámiid ruovttuguovllus ja suodjalit Suolomeara álbmotmeahci kultuvrra. Virgeoapmahažžan Meahciráđđehus lea geatnegahtton  váldit vuhtii riikkaviidosaš guovlluidgeavahanmihttomeriid, maiddái kulturárbbi gáhttemis. Meahciráđđehus oassálastá UNESCO Máilmmiárbelogahallamii evttohuvvon luonddubáikkiid válmmaštallanbarggus.