Dieđáhusat
Meahciráđđehus lágida Ohcejoga Suttesádjaga láigohanáššis ságastallandilálašvuođa
Meahciráđđehus lágida Ohcejoga Suttesádjaga láigohanáššis ságastallandilálašvuođa
Almmustahtton 10.3.2017
Meahciráđđehussii lea boahtán ohcamuš guovllu láigoheamis Ohcejoga Suttesádjaga gáldu lahkosiin. Ohcamuš ja das addojuvvon cealkámušat leat bohciidahttán olu ságastallama ja beali váldimiid Meahciráđđehussii. Meahciráđđehus lágida áššis ságastallandilálašvuođa Ohcejogas maŋimustá cuoŋománus.
Meahciráđđehussii lea boahtán ohcamuš eatnama láigoheami várás Ohcejoga Suttesádjaga gáldoviidodaga lahkosiin gávppálaš čáhceváldima ja boahtalastima várás. Guovllus ovddasvástideaddji eiseváldin Meahciráđđehusa Luonddubálvalusat lea geatnegahtton gieđahallat ohcamuša vuđolaččat ja áššálaččat, válddekeahttá beali ohcamuššii go dan gieđahallan lea gaskan.
Meahciráđđehus lea bivdán ohcamušas cealkámušaid Sámedikkis, Sámi museas, Ohcejoga gielddas, Báišduoddara bálgosis ja Lappi Ejb-guovddážis. Earret Sámedikki cealkámušat leat ožžojuvvon. Sámedikkis lea ožžojuvvon oaidnu, mas Sámediggi gáibida ee. lassičilgehusaid báikkálaš sápmelaččaid oainnuin fidnu váikkuhusain sámi kultuvrii. Ohcamuša gieđahallan lea gaskan, iige Meahciráđđehus leat dahkan maidege mearrádusaid ohcamuša hárrái.
Meahciráđđehus lágida áššis ságastallandilálašvuođa Ohcejogas nu jođánit go vejolaš, maŋimustá cuoŋománus. Ságastallandilálašvuhtii leat buresboahtimat buohkat, geat leat beroštuvvan áššis. Ságastallandilálašvuođa áigemuttus ja báikkis muitaluvvo, go dilálašvuođa geavada lágideamit leat ollašuhtton.
Lassidiehtu:
Guovlohoavda Jyrki Tolonen, telefovdna 0400 388 609, šleađgaboasta jyrki.tolonen(at)metsa.fi
Dieđáhusat