Dieđáhusat
Meahciráđđehusa guovlulaš jođihanjoavkkuid lahttut leat nammaduvvon
Meahciráđđehusa guovlulaš jođihanjoavkkuid lahttut leat nammaduvvon
Almmustahtton 31.3.2017
Meahciráđđehusa váldohoavda lea nammadan guovlulaš jođihanjoavkkuid lahtuid. Joavkkut doibmet Meahciráđđehusa guoskevaš áššiid válmmaštallan- ja ovttasbargoorgánan eanagottiin ja lasihit ná doaimma báikkálašvuođa ja čađačuovgivuođa.
Guovlulaš jođihanjoavkkut vuođđuduvvojedje guovvamánu loahpas oassin Meahciráđđehusa ođđa bargoortnega ja dat doibmet Mátta-Suomas, Lappis ja Nuortabađaeana-Kainuu-guovllus. Jođihanjoavkkuide dál nammaduvvon lahtut ovddastit buot Meahciráđđehusa boađusovttadagaid, mat leat Vuovdedoallu. Luonddubálvalusat, Fuođđobálvalusat ja Giddodatovdáneapmi.
- Mis leat sávvan, ahte Meahciráđđehus ovddastivččii stáhta eatnamiid ja čáziid álo ovttain ovttamielalaš jienain. Guovlulaš jođihanjoavkkuid bokte sihke ovddidat dán sávaldaga ja sáhttit čavggabut leat mielde guovlluin ja guldalit guovllu ássiid ja čanusjoavkkuid ná ain buorebut, dadjá váldohoavda Pentti Hyttinen.
Meahciráđđehusa oktasaš oaivila hábmema lassin guovlulaš jođihanjoavkkut ovddidit ovttadagaid gaskasaš oktavuođadoallama. Jođihanjoavkkuid sátnejođiheaddjái molsašuvvá joavkkuid gaskkas.
Guovlulaš jođihanjoavkkuid lahtut:
Mátta-Suopma
Guovlluhoavda Markku Vainio, Meahciráđđehusa Vuovdedoallu Os
Guovlluhoavda Seppo Manninen, Luonddubálvalusat
Fuođđooaivámuš Jarmo Väisänen, Fuođđobálvalusat
Giddodatgávpeoaivámuš Tauno Kandelin, Giddodatovdáneapmi
Nuortabađaeana-Kainuu
Guovlluhoavda Arto Tolonen, Meahciráđđehusa Vuovdedoallu Os
Guovlluhoavda Samuli Sillman, Luonddubálvalusat
Fuođđodoallooaivámuš Erkki Turtinen, Fuođđobálvalusat
Bieggafápmooaivámuš Pertti Tapio, Giddodatovdáneapmi
Lappi
Guovlluhoavda Kirsi-Marja Korhonen, Meahciráđđehusa Vuovdedoallu Os
Guovlluhoavda Jyrki Tolonen, Luonddubálvalusat
Fuođđodoallooaivámuš Pirjo Ilvesviita, Fuođđobálvalusat
Vuovdinoaivámuš Kari Männistö, Giddodatovdáneapmi
Lassidieđut:
Váldohoavda Pentti Hyttinen, tel. 040 546 5227