Dieđáhusat
Meahciráđđehusa váldokantuvra fárre ođđa doaimmahahkii, gos geavahit unnit plastihka
Meahciráđđehusa váldokantuvra fárre ođđa doaimmahahkii, gos geavahit unnit plastihka
Almmustahtton 27.3.2017
Meahciráđđehusa Vanda váldokantuvra fárre vuossárgga 3.4. ođđa sadjái doaimmahat- ja fidnoguovddáš Dixii Tikkurilas. Váldokantuvrra fárren lea oassi Plastihkahis Meahciráđđehus -fidnu ja máŋggasadjedoaimmahaga viessogálvvuin leat ávkkástallan VTT:a viessočiŋahanarkiteavtta áššedovdamuša.
Badjel golmma miljovnna hektára čáhceopmodaga eaiggádin Meahciráđđehus háliida geahpedit mearaid ja sisčáziid nuoskkideaddji plastihka geavaheami ja buhttet dan bio- ja muorravuđot buktagiin. Vanda váldokantuvrra ođđa doaibmasajiid čiŋaheamis leat gidden earenoamáš fuomášumi plastihka mearrái ja šládjii.
- Leat plánenbarggus figgan dahkat olu innovatiivvalaš ja birasustitlaš čovdosiid. Okta stuorámus lea doaimmahaga tekstiilaláhtterádnu, mii lea válmmaštuvvon ođđasit ávkkástallon materiálas, dego merrii hilgojuvvon guolástusfirpmiin ja boares tekstiillain. Láhtteránu sáhttá lassin ođđasit ávkkástallat, muitala fárremis vástidan prošeaktaoaivámuš Minna Pihlström.
Plastihka mearri ođđa doaibmasajiin lea geahpeduvvon láhtteránu lassin máŋggain vugiin. Doaimmahatgálvvuin ja čiŋahandávviriin materiálan lea geavahuvvon muorra ja ráđđádallanlanjaid akustihkkapláhtat leat ráhkaduvvon darffis. Lassin doaimmahagas eai leat persovnnalaš ruskalihtit ja plastihkas dahkkon ruskaseahkat leat buhttejuvvon báberseahkaiguin.
Stuorámus hástalusat plastihka atnima garvimis boahtá elektronihkas geavahuvvon plastihka, masa ii vel leat buhttejeaddji materiála. Čovdosiid leat ohcan ovdamearkan printenbálvalusain, goas printeriid, ja nu plastihka, meari bastá geahpedit.
- Meahciráđđehus háliida ovdamearkkainis sihke innoveret eará doaibmiid geahpedit plastihka geavaheami ja veahkehit buhttejeaddji materiálaid ja ođđa innovašuvnnaid šaddamis. Bargi plastihka garvima ovdii joatkašuvvá ja boahtit ávkkástallat ođđa váldokantuvrras dahkkon ekologalaš čovdosiid earáge doaimmahagain, lohpida váldohoavda Pentti Hyttinen.
Meahciráđđehusa váldokantuvrra ođđaa fitnančujuhus lea 3.4. rájes Ratatie 1. Dárkilut boahtinrávvagat gávdnojit neahttasiiddusteamet
Loga lasi:
Plastihkahis Meahciráđđehus: www.metsa.fi/muoviton-metsahallitus
Meahciráđđehusa jahke- ja vásttolašvuođamuitalus: vuosikertomus2016.metsa.fi/
Lisätietoja:
Pääjohtaja Pentti Hyttinen, puh. 040 546 5227
Projektipäällikkö Minna Pihlström, puh. 040 354 0501
Dieđáhusat