Meahciráđđehusa stivren
Láhka Meahciráđđehusas meroštallá Meahciráđđehusa bargun dan hálddašan luondduriggodagaid ja eará opmodaga bistevaš ja boađuslaš divššu, anu ja suodjaleami. Maid biologalaš máŋggalágánvuođa suodjaleapmi galgá váldot vuhtii ovttas eará ulbmiliiguin.
Riikkabeaivvit dohkkehit jahkásaččat Meahciráđđehusa guovddáš bálvalan- ja eará doaibmanulbmiliid. Seammas riikkabeaivvit dohkkehit, man muddui Meahciráđđehusa eananvuovdinboađut dehe eanan-ja čáhceopmodat geavahuvvo ođđa luonddusuodjalanguovlluid háhkamii. Eanan- ja meahccedoalloministeriija mearrida riikkabeivviid bidjan ulbmiliid vuođul Meahciráđđehusa jahkásaš boađusmeriin.
Servodatlaš bargguin sihke daid ulbmiliin ja ruhtadeamis sohppojuvvo váldoáššis birasministeriijain. Dát barggut leat earret eará luonddusuodjalan- ja vánddardanguovlluid dikšun, luonddusuodjaleami ovddideapmi stáhta eatnamiin ja čáziin, meahccebearráigeahčču ja almmolaš stáhta eatnamiid áhpásnuhttingeavahusa ovddideapmi. Servodatlaš bargguide adnojuvvo maid EU` prošeaktaruhtadeapmi ja bargofápmo- ja ealáhusguovddážiid ruhtadeapmi.
Mearrádusat, mat gusket Meahciráđđehusa sajádahkii fitnodatlágádussan:
- Láhka Meahciráđđehusas (234/2016)
- Ásahus meahciráđđehusas (247/2016)
Dasa lassin Meahciráđđehusa barggu mearridit máŋggat eará mearrádusat, ovdamearkkadihte luonddusuodjalanláhka, guolástanláhka, meahccebivdoláhka, luondduealáhusláhka ja olgolihkadanláhka.