Meahciráđđehusa organisašuvdna

Meahciráđđehus lea stáhta fitnodat (F-dovddaldat 0116726-7), man barggut leat juhkkon fitnodatdoibmii ja nuppedáfus eanas bušeahttaruđaiguin fuolahuvvon almmolaš hálddahusbargguide. Iešguđege doaimmat leat sirrejuvvon iežas boađussuorgin.

Meahciráđđehusa fitnodatdoaibma šaddá nieidafitnodagain ja Laatumaa boađussuorggis.

Metsähallitus Vuovdedoallu Os

• fitnodat álggahii doaimmas 15.4.2016.
• buvttada sullii 85 proseantta Meahciráđđehusa boađuin.
• bargun muora márkanastin ja vuovdin sihke ekonomiijamehciid dikšun.
• áššehassan meahcceindustriija ja eará ruovttu- ja olgoeatnan fitnodagat, mat geavahit muora.
• vuvddiid dikšun vuođđuduvvá luondduriggodagaid bistevaš atnui.
• ulbmilin lea mehciid máŋggalágán atnu.

Laatumaa boađussuorgi

• luopmoduktásajiide ja vuovdedáluide gullevaš giddodatdoaibma. 
• Meahciráđđehusa eaiggáduššan ráhkadusaid vuovdin.
• aktiivvalaš fidnogárgeheapmi bieggafápmofitnodatdoaimmas.

Meahciráđđehusas leat maid nieidafitnodatsearvvit.

• Fin Forelia Os, mii buvttada, márkanastá ja vuovdá vuovdemuoraid vesáid.
• Siemen Forelia Os, mii buvttada, márkanastá ja vuovdá vuovdemuoraid siepmaniid.
• MH-Kivi Os, mii láigoha eanaávnnassajiid ja vuovdá eanaávdnasiid.

Luonddubálvalusat lea boađussuorgi, mii  fuolaha Meahciráđđehusa almmolaš hálddahusbargguin:

• Luonddubálvalusaid doaibman lea dikšut luonddusuodjaleapmái ja vánddardeapmái várrejuvvon stáhta eatnamiid, dego álbmotmehciid ja buvttadit daidda vánddardanbálvalusaid. Luonddubálvalusat vástida maiddái maŋggaid áitatvuloš šlájaid, dego saimaagahte ja goaskima suodjaleamis.
• Meahcástussii ja guolástussii gullevaš hálddahusbarggut dego meahccebearráigeahčču, stáhta eatnamiid fuođđo- ja guollenáliid sihke sálašmeari čuovvumis ja meahcástan- ja guolástanlobiid (www.eräluvat.fi) mieđeheapmi nu, ahte nálit seilot gierdavažžan.
• Luonddubálvalusat dikšu maiddái meahccejohlausa, golgadeami ja siemabuvttadeapmái gullevaš bargguid.
• Lassidieđut luonddubálvalusaid bargguin