Meahciráđđehusa strategiija
Meahciráđđehusa strategiija
Meahciráđđehuslága ođasmahttima, ráđđehusa ráđđehusprográmma linnjágeassimiid ja eará Meahciráđđehusa doaibmabirrasis dáhpáhuvvan nuppástusaid mielde Meahciráđđehusa ođasmahtii strategiijas jagiide 2016-2020. Ráđđehusprográmmas lea sihke olles Meahciráđđehusa, muhto maiddái sierra fitnodatdoaimmaid ja luonddubálvalusaid guoskevaš mihttomearit muora lasseávkkástallamis čáziid suodjaleapmái ja globála luondduturismii.
Oamasteaddji, áššehasaid ja čanusjoavkkuid vuordámušat leat máŋggaláganat. Meahciráđđehusas gáibidit sisaboađuid stáhtii, guovlulaš ovddideami, riikkavuložiid bálvalusaid ja buresbirgejumi fállama ja ovddideami, luonddu máŋggahámatvuođa dorvvasteami ja ovdamearkan dálkkádatávkkiid ollašuhttima.
Meahciráđđehus vástida dáidda mihttomeriide ja vuordámušaide nu, ahte lea máŋggabealat biodoalu ovdavázzi.
Plánet ja ollašuhttit boahttevaš jagiin bargomet ja doaibmamet nu, ahte
- Dáhkidat stáhta eatnamiid buoremus buvttadeami sohkabuolvvaid badjel
- Lasihat eanagottiid eallinfámu
- Leat vásttolaš doaimma ofelaš ja bissehat luonddu máŋggahámatvuođa geahppáneami stáhta eatnamiin ja čáziin
- Doaibmat oktilaččat ja beaktilit, ja ávkkástallat digitalisašuvnna vejolašvuođaid.
Meahciráđđehusa árvvut
Luondduresurssaid vásttolaš dikšun ja ávkkástallan
- ávkkástallat luondduresurssaid suvdilit ja ávaštallat birrasa nuppástusaid
- min válljemiid stivrejit servodaga ekologalaš, sosiála ja ekonomalaš mihttomearit
- doaibmamet vuođđun leat luohtehahtti ja máŋggabealat dieđut luondduresurssain
- muitalat ja háleštat min mihttomeriin ja bohtosiin
Boađuslašvuohta
- doaibmat nu, ahte oažžut bohtosa ja viiduma
- dahkat vejolašvuođaid boahttevuhtii gánnehahtti doaimma bokte
- gánnáhahtti ja boađuslaš doaibma lea okta oassi min servodatovddasvástádusas
Bargoveaga buresbirgejupmi
- mis juohkehaččas lea ovddasvástádus bargoservošeamet buresbirgejumis ja bargodorvvolašvuođas
- doarjut geažos áigge oahppama ja oassálastit buohkat bargoservoša ovddideapmái
- juohkehaččas lea vuoigatvuohta buori jođiheapmái ja rabas máhcahahkii
- láhttet nuppiiguin vuoiggalaččat ja árvasit
Áššehasat guovddážis
- mihttomearrámet lea duđavaš áššehas
- váldit vuhtii áššehasa dárbbuid ja máhcahagaid
- ovddidat aktiivvalaččat ođđa buktagiid ja bálvalusaid
Ovttasbargguin bohtosiidda
- bargat ovttasbarggu oktilaš Meahciráđđehusa buorrin nuppiideamet earáláganvuođa gudnejahttimiin ja ávkkástallamiin
- dahkat fierpmádaga ja doaibmat ovttas guimmiiguin
- atnit árvvus kreatiivavuođa, aktiivvalašvuođa ja rabasvuođa
- doarjut nubbi nuppi