Giitu áŋgiruššama ovddas!
Válgamearrádus lea váldon. Dál ii leat go giitit áŋgiruššama ovddas ja čohkkedit vuorddašit válgabohtosa.
Aili Keskitalo jienastii odne.
NSR presideantaevttohas Aili Keskitalo háliida giitit evttohasaid, eaktodáhtolaččaid, válgabargiid ja miellahtuid rahčamušaid ovddas.
– Háliidan giitit buohkaid hirbmat buori válgagičču ovddas. Dii geat lehpet áŋgiruššan NSR ovddas badjel mánu lehpet bargan mearehis buori barggu miehta riikka, ja mun lean hui giitevaš, dadjá Aili.
– Beroškeahttá mo dán jagáš válgaboađus šaddá, de dovddan mun ahte mii leat bargan buot maid nagodeimmet. Jus eat vuoitte válggaid dán jagi, de aŋkke ii leat din áŋgiruššama sivva. Dat leamaš
Aili ii háliit maidige ovdalgihtii dadjat. – Dál lea vuordimis hui gelddolaš idja ja moadde speanta beaivvi. Lean optimista, ja mus lea jáhkku ahte mii sáhttit dahkat buriid válggaid. Muhto šaddá gelddolaš, loahpaha presideantaevttohas.
