Marion Ravna cálihi iežat Sámedikki jienastuslohkui čavčča 2012. Dá NSR presideantaevttohus Aili Keskitalo savvá Mariona bures boahtin go son geige sisa dieđihanskuovi.
Daga dego Marion Ravna ja Viktor Inge Paulsen: Dieđit iežat sámedikki jienastuslohkui! Lea álki dieđihit elektrovnnalaččat MinID bokte.
Leat go sápmelaš ja šaddan 1995:s vai ovdal? Dieđit iežat Sámedikki jienastuslohkui ovdal geassemánu
30. b, ja oačču jienastanvuoigatvuođa sámediggeválggaide čakčamánu 9. b.
Jienastanvuoigatvuohta ii dušše boađe. Don fertet ieš čállit iežat jienastuslohkui.
Dán jagi dieđiheapmi leat ođasmahtán, ja lea dál vejolaš elektrovnnalaččat čálihit sisa Sámedikki neahttasiidduin.
Ollosat NSR nuoraidevttohusain jienastit ieža vuosttaš háve dán jagi válggaide. Sihke Viktor Inge Paulsen ja Marion Ravna leaba dieđihan sisa jienastuslohkui maŋimus válggaid rájes.
– Lea hui dehálaš ahte mii nuorat čálihit jienastuslohkui, muitala Viktor Inge Paulsen, gii lea 2. evttohus NSR listtus Veasttarmeara válgabiirehis. – Go mii jienastit Sámediggeválggaide de mii leat mielde mearrideamis mo Sápmi ovdána. Dat lea min iežamet sámi boahtteáigi man birra lea sáhka.
Marion Ravna, gii lea NSR listtuevvothus Nuorta válgabiirehis, cuoigu dasa ahte čáliheapmi dál lea šaddan hui álki. – Lea buorre go Sámediggi lea ordnen nu ahte mii sáhtit dieđihit iežamet moadde álkes deaddileami geažil dihtoriin. Dál go lea šaddan nu álki de eai gávndu šat ákkat – dál ii leat eara go čálihit sisa, muitala Ravna.
Soai leaba ovttaoaivilis ovtta áššis. – Geavat jienastanvuoigatvuođa čakčamánu 9. b, ja jienas min NSR:s!