Sámediggi doarjju ođđa teáthervisti Beaivváš Sámi Našunálateáhter:ii
Sámedikkis lea stuora eanetlohkku ollašuhttit teáthervisti Guovdageaidnui Beaivváš Sámi Našunálateáhter:ii.
– Ovttajienalaš lávdegoddi dadjá juo plánaide, lohká áššejođiheaddji lávdegottis Inger Elin Utsi (NSR).
Lei ge mánnodat ja disdat dán váhkkus ahte bajásšaddan-, fuolahus- ja oahppolávdegoddi gieđahalái ođđa teáthervisti Beaivváš Sámi Našunálteáther. Árvaluš dievvasčoahkkimii lávdegottis lea ovtajienalaš ja positiivva ollášuhttit teáthervisti. Dievvasčoahkkin galgá ge dahkat loahpalaš mearrádus duorastaga.
Dá leat váldočuoggat lávdegotti árvalusas:
– Sámediggi čujuha Beaivváš Sámi Našunálateáhtera ođđa teáhtervisteprošektii – Statsbygga prošeakta 1205 golggotmánu 25. b. huksenprográmma, ja Beaivváš Sámi Našunálateáhtera ođđajagimánu 13. b. 2014 ohcamii.
– Sámediggi lea gearggus čađahit hálddašanovddasvástádusa Beaivváš Sámi Našunálateáhteris dainna lágiin ahte láhčit doaibmabušeahta geatnegahtti nannemii ja ovddideapmái go ođđa teáhtervisti huksejuvvo.
– Sámediggi háliidá ahte departemeantta dahkka mearrádusas vuođđolágajagi 2014:s.
– Sámediggi lea positiiva Beaivváš Sámi Nášunálteáther:a plánaide Unná Beaivvažii ja ođđa neavttáriid rekrutteremii.
– Sámediggi oaivvilda maiddái ahte ođđa teáhtervisti boahtá loktet mátkeealáhusa ja vásáhusealáhusa. Lea maiddái positiiva ahte Beaivváš Sámi Našunálateáhter háliidá leahkit eanet go teáhter.
– Sámediggi vuordá ahte Beaivváš Sámi Našunálateáhter ovttasbargá earáiguin, earret eará mánáidteáhteriiguin ja eará teáhterlávdiiguin.
Gulahallanolmmoš:
Sámediggeáirras Inger Elin Utsi, NSR, 907 90 626
