Vahátbuhtadusat

Jus duopmostuollu lea geatnegahttán rihkkosa dahkki máksit buhtadusaid, máksinordnemis sáhttá soahpat suinna dahje addit buhtadusa bearrama bággobearrama dikšuma vuollái. Gearretrievtti kansliijas nuvttá ožžojuvvon kopiija duopmostuolu mearrádusas ja bággobearranohcamuš doaimmahuvvo baggobearramii. Doppe sáhttá ohcat maiddái dárkilut rávvagiid buhtadusa ohcamii.

Buhtadusaid sáhttá ohcat maiddái Stáhtakantuvrras, dáhkádusfitnodagas dahje ÁEL:as. Vejolašvuođat oažžut buhtadusa molsašuddet, nuba dat čielgadallojuvvojit dáhpáhusaid bokte.

Stáhta ruđain máksojuvvon buhtadusat

Rihkkosa oaffarii sáhttá máksit stáhta ruđain buhtadusa rihkkosiin dahkkojuvvon vahágiin. Buhtadus máksojuvvo váldoáššis personvahágiin ja gillámušas. Stáhta ruđain máksojuvvon buhtadusa ággan lea rihkusvahátláhka ja máksimis fuolaha Stáhtakantuvrra.

Buhtadusa oažžumin rihkkosa oaffar galgá almmuhit áššis bolesii. Jus ášši gieđahallojuvvo gearregiin, galgá rihkkosa oaffar buktit ovdan doppe buhtadusgáibádusa rihkkosa dahkkái. Buhtadusa galgá ohcat golmma jagi siste buhtadusáššis addojuvvon lágalaš duomus. Jus ášši ii leat gieđahallon duopmostuolus, buhtadusa galgá ohcat logi jagi siste rihkkosa dahkamis. Buhtadusa sáhttá ohcat, vaikke duopmu ii livččii ožžon lága fámu.

Stáhta ruđain máksojuvvon buhtadus lea sekundára. Das geahpeduvvo dat, maid oaffar lea ožžon dahje boahtá oažžut muhtun eará lága dahje dáhkádusa vuođul. Das geahpeduvvo maiddái buhtadus, man rihkkosa dahkki lea máksán rihkkosa oaffarii. Buhtadusa oažžuma dihtii oaffar ii goittotge dárbbaš iskat bearrat vuos buhtadusa rihkkosa dahkkis.

Stáhta ruđain máksojuvvon buhtadus ohccojuvvo Stáhtakantuvrras. Ohcamuššii laktojuvvo duopmostuolu čoavddus dahje boles ovdadutkanbeavdegirji sihke doaktárduođaštusat ja eará luohtehahtti čielggadus vahágiid sturrodagas. Ohcanskoviid ja lassidieđuid oažžu Stáhtakantuvrras (www.valtiokonttori.fi).