Vuođđolágas leat dorvvastuvvon ovttaskas olbmo vuođđovuoigatvuođat: láhka galgá leat buohkaide seammá, sátni lea friddja, sáhttá oskut dahje leat oskkokeahttá, sáhttá čoahkkanit almmá lobi haga, sáhttá válljet ássanbáikkis ja johttit friddja.

Juohkehaččas 18 jagi deavdán Suoma riikkavuložis lea jietnavuoigatvuohta riikkabeai-, presideantta- ja EU-válggain ja gielddaválggain. EU- ja gielddaválggain jietnavuoigadahtton sáhttá leat maiddái eará riikka riikkavuloš.

Suopmelaččas lea vuoigatvuohta iežas gillii. Suopma ja Ruoŧŧa leat Suoma álbmotgielat, maid lea riekti geavahit divššodettiin áššiid virgeoapmahaččaiguin.

Sápmelaččaid, románaid ja eará joavkkuid gielalaš vuoigatvuođat leat máinnašuvvon vuođđolágas.

Stáhta ja ássangielda galget dorvvastit olmmošárvosaš eallima dalle, go iežas návccat eai bastte dan dahkat. Juohkehažžii galgá ordnet nuvttá vuođđooahpahusa.

Priváhta eallin, gudni ja ruoktu leat suddjejuvvon vuođđolága bokte. Lea riekti seailluhit suollemasvuođas: nuppi sádden dieđu ii leat riekti lohkat dahje guldalit almmá lobi haga.

Vástu oktasaš birrasa seailumis gullá buohkaide - dan ii sáhte vuordit dušše earáin.