Organisašuvdna Sámiid konferánsa Sámiráđđi Bargolávdegoddi Miellahttosearvvit Ossodagat Árktalaš- ja Birasossodat Olmmošvuoigatvuođaossodat Kulturossodat Kulturlávdegoddi ja kultursearvvit Kulturdoarjagat Kulturdoarjagat jagis 2016 Kulturdoarjagat jagis 2017 Girjjalašvuođabálkkašupmi Sámi Duodji mearka

Jagi 2016 girjjálašvuođabálkkašupmi Siri Broch Johansenii

Sámiráđđi geigii Siri Broch Johansenii jagi 2016 girjjálašvuođabálkkašumi nuoraidromána ovddas ”Mun lean čuoigi”.

Árvvoštallanlávdegoddi celkkii earret eará ná:

Siri Broch Johansen govvida bures movt sámi nuorat šaddet bajás ovttain julggiin sámi kultuvrras ja nuppiin julggiin ođđaáiggi máilmmis. Muitalusas lea olu man beallešaddit soitet dovdat dehe ieža vásihit ja dat geasuha lohkki, fille su beroštit muitalusa nuoraid birra. Girječálli duostá čállit tabuaáššiid birra, dego seksa ja jápmima birra. Girji guoskkaha dovdduid dego ráhkisvuođa, balu, heahpaneami ja morraša rabas ládje bártni perspektiivvas. Das lea njuovžilis ja gehppes giella mii heive bures nuorra lohkkiide. Muitalus čuohcá dovdduide, joksá lohkki váimmu ja báhcá guhka muitui.

Geigendilálašvuohta lei Gironis, golggotmánu 22. beaivvi 2016.

Girjji lea ČálliidLágádus ilbmadan jagis 2014. Lágádus čállá ieš ná girjii birra:

http://www.calliidlagadus.org/web/index.php?egavpi=1&girji=360&giella1=sam

Girjjalašvuođabálkkašupmi

Sámiráđi girjjalašvuođabálkkašumi ulbmilin lea movttiidahttit olbmuid čállit. Bálkkašupmi buktá beaggima čállii ja dahká sámi girjjálašvuođa dovddusin. Girjjalašvuođabálkkašumi álgogiella galgá leat sámegiella. Unnitlogu sámegillii jorgaluvvon girji sáhttá goit maid dohkkehuvvot. Bálkkašupmi geigejuvvo juohke nuppi jagi, ja molsašuddá gaskal mánáidgirjji ja ollesolbmogirjji.

Sámiráđi girjjalašvuođabálkkašumit 1994-2016

Jahki	Girji	Girječálli	Govvideaddji
1994	Mu ustibat	Iraida Vinogradova	Peter Popov
1994	Šerres beaivi	Elvira Galkina	Jakov Jakovlev
1995	Juohkásan várri	Olavi Paltto
1996	Hoŋkoŋ dohkká	Ulla Pirttijärvi
1997	Ii fal dan dihte	Inghilda Tapio	Ulrika Tapio
1998	Jåvvå	Gun Aira/ Ingegaard Vannar	Aino Hivand
1999	Bearralat Deatnogáttis	Eino V. Guttorm
2000	Biehtár ja Duommá jávren stulliba	Stig Riemmbe Gælok	Kjell Ove Storvik
2002	Čiežain čáziin	Harald Gaski	Lars Nordström
2003	Árbbolaččat, nubbi oassi	Jovnna-Ánde Vest
2004-2005	Čábbámus iđitguovssu	Elle Márjá Vars	Trygve Lund Guttormsen
2006	Meahci šuvas bohciidit ságat	Synnøve Persen
2007	Máilmmi láikkimus olmmoš	Elle Márjá Vars	Harald Aadnevik
2009	Lihkkošalmmái	Rauni Magga Lukkari
2011	Sárá beaivegirji	Siri Broch Johansen	Bjørg Monsen Vars
2014	Amas amas amasmuvvat	Niillas Holmberg	Antti Väre
2016	Mun lean čuoigi	Siri Broch Johansen