Sámediggeráđđi lea juolludan 150 000 ruvnno kulturprográmmii Finnmarksløpet 2015 oktavuođas. Juolludemiin áigu presideanta Aili Keskitalo vuolggahit buoret ovttasbarggu háhkandihte eanet einnostahtti rámmaid Finnmarksløpet Siidii.
Keskitalo geassá ovdan ahte Finnmarksløpet ollu jagiid lea ovdánan ja šaddan okta buoremus gávpebuktagiin fylkkas dálvedoaimmaid gaskka ja eko- mátkkoštanealáhusaid gaskka. Dál háliida son kollektiivvalaš bajideami kultuvrralaš oasis prográmmas.
- Kulturprográmma bokte Finnmarksløpet Siida, oažžut mii lávddi ala sámi artisttaid sihke Álttás, Girkonjárggas, Deanus ja Kárášjogas stuora illun oassálastiide, veahkkeapparáhtaide ja gehččiide. Min ulbmil lea oažžut sadjái einnostahtti rámmaid nu ahte boahtteáiggi geahččit maid ožžot vejolašvuođa vásihit dan rikkis kultuvrra mii mis lea fylkkas, lohká presideanta Aili Keskitalo.
Finnmarksløpet:s lea dán jagi stáhtus máilmmigilvun ja vuolgga lea Álttás njukčamánu 7.b.
Presideanta Aili Keskitalo boahtá leat doppe go lea vuolgga ja lea ožžon dan ilu ahte beassá čuovvut ovtta beanaráiddu Álttá guovddážis Sorrisnivai.
Oktavuođa válddát:
Presideanttain Aili Keskitalo, tlf. 971 29 305