Sámediggi ja Álttá suohkan deaivvadit skábmamánu 4.b. šiehtadallat ovttasbargošiehtadussii árvalusa. Álggos lágiduvvo fágabeaivi, ja dan maŋŋil bovdejit álbmoga buktit cealkámušaid álbmotčoahkkimis skábmamánu 4.b. –Dasa lassin lea vejolaš buktit cealkámušaid Sámedikki ja Álttá suohkana neahttasiidduid bokte, lohká sátnejođiheaddji Laila Davidsen ja sámediggeráđđi Ann-Mari Thomassen.
Fágabeaivi
Fágabeaivvis čoahkkanit fágaolbmot ja politihkkárat Álttá suohkanis ja Sámedikkis digaštallat sámi dili birra iešguđet servodatsurggiin. Fágabeaivái lea Jens Petter Nielsen Romssa Universitehtas bovdejuvvon. Son álggaha muitalemiin sápmelaččaid birra Álttás historjjálaš perspektiivvas. Dehálaš oassi barggus dáhpáhuvvá fágalaš joavkkuin, mas ulbmil lea gávdnat áššiid fágasurggiin mat berrejit leat mielde šiehtadusas, ja digaštallat vejolaš oktasaš prošeavttaid, lohká sier Ann-Mari Thomassen.
Fágasuorggit
Iešguđet fágasuorggit bohtet leat mielde šiehtadusas, lunddolaš fágasuorggit leat giella, mánáidgárddit, skuvla ja kultuvra. Muhto maiddái eará fágasuorggit
Álbmotčoahkkinbohtet leat mielde šiehtadusas, lohká Thomassen. Makkár suorggit bohtet leat mielde loahpalaš šiehtadusas, boahtá das makkár mihtut Sámedikkis leat ja makkár vuordámušat Álttá suohkanis leat dákkár šiehtadussii, lohká Davidsen.
Diibmu 1800 seamma eahkeda bovdejuvvo Álttá suohkana álbmot Kultursálii Uit Campusii. Álttá suohkan ja Sámediggi čilgeba ulbmila šiehtadusain gaskal Sámedikki ja Álttá suohkana, ja čilgeba álbmotčoahkkima ulbmila. Suohkanjođiheaddji Oddvar Konst muitala Álttá suohkana servodatplána birra, ja movt šiehtadus čuohcá dasa. Dan maŋŋil sáhttet searvvit ja olbmot muđui Álttá suohkanis buktit cealkámušaid, ja dievasčoahkkin vástida gažaldagaid, lohkaba sátnejođiheaddji Laila Davidsen ja Ann-Mari Thomassen loahpas.