1 FÁSA: GEAVAHEADDJI- JA BUVTTA-/BÁLVALUSFOKUS
(Dieđut 2. fása birra veahá vuollelis siiddus)
Dán fásas sáhttá oažžut álggahandoarjaga:
- Buvtta-, bálvalus- ja jurddageahččaleapmái, ja man olu vejolaš geavaheaddjit háliidit máksit buktagiid ovddas.
- Geavaheaddjiiskkadeapmi - Lea go dárbu du buktagii/ bálvalussii?
- Geavaheaddjiiskkadeapmi galgá vástidit ovtta čulbmii dahje dárbui márkanis.
- It go leat sihkar makkár goluid mii gokčat, váldde oktavuođa Sámedikkiin.
Eavttut:
- Čilgehus mii galgá dahkkojuvvot (iežas bálká) áigodagas ferte čadnojuvvot prošeavtta/doaibmabiju mihttomearrái ja goluide. Gjelder etablerertilskudd og investeringer og utvikling, og skal innunder overskriften «kriterier»: Mii vuoruhat fitnodagaid main lea fokus háhkat birrajagi bargosajiid. Plána das galgá boahtit ovdan ohcamis.
- Fitnodat lea registrerejuvvon fitnodahkan maŋimus 2 jagi siste.
- Dus ferte leat organisašuvdnanummár
- Ohcamis ferte leat čielga ulbmil
- Ovdal go ozat, de fertet dovdat vejolaš gilvaleddjiid dahje diehtit eará čovdosiid. Dát ferte boahtit ovdan ohcamis.
- Ohcamis galgá boahtit ovdan buorre govus das maid áiggut bargat juohke mánu. Dát addá vuođu iežat bálkái.
Dán sáhtát ohcat:
- Doarjja sáhttá addojuvvot unnit investeremiidda, muhto investeremat eai sáhte leat váldogollun prošeavttas/ doaibmabijus.
- Alccet bálká sáhttá leat gitta 15 000 ruvnno mánnui. Jus dus lea olles- dahje bealleáiggevirgi, de sáhttá alccet bálká vuoliduvvot.
- Geavaheaddjifokusfásii sáhttá addot doarjja alccet bálkán eanemusat 9 mánnui.
- Eanemus doarjja juohke fitnodahkii (geavaheaddjifokus ja stuorrun) lea 400 000 ruvnno.
- Don it sáhte ohcat goappašiid fásaide oktanaga.
- Álggahandoarjaga ii sáhte ovttastahttit eará doarjagiin Sámedikkis.
- Álggahandoarjagis galgá máksit vearu. Geahča skatteetaten.no:s eanet dieđuid dan birra.
2. FÁSA: OVDÁNAHTTIN- JA STUORRUNFÁSA
Dán fásas sáhttá addot álggahandoarjja:
- Viiddidit márkana nationála ja/ dahje riikkaidgaskasaš dásis
- Ráhkadit ođđa buktagiid ja bálvalusaid main lea fokus háhkat eanet árvvuid.
- Čielgasit profiila
- Buoridit fitnodatmodealla. Dus lea dárbu čielggadit lea go fitnodatmodealla riekta hábmejuvvon dan márkana ektui mas don leat.
- It go leat sihkar makkár goluid mii gokčat, váldde oktavuođa Sámedikkiin.
Eavttut:
- Čilgehus mii galgá dahkkojuvvot (iežas bálká) áigodagas ferte čadnojuvvot prošeavtta/doaibmabiju mihttomearrái ja goluide. Gjelder etablerertilskudd og investeringer og utvikling, og skal innunder overskriften «kriterier»: Mii vuoruhat fitnodagaid main lea fokus háhkat birrajagi bargosajiid. Plána das galgá boahtit ovdan ohcamis.
- Don fertet bidjat mielde maŋimuš golmma jagi doaibmabušeahta. Doaibmabušeahtas ferte vuovdindietnasa spesifiseret.
- Fitnodat lea registrerejuvvon fitnodahkan maŋimus 4 jagi siste.
- Dus ferte leat organisašuvdnanummár.
- Ohcamis ferte leat čielga ulbmil.
- Dus leat áigumušat stuoridit doaimma.
- Don fertet čalmmustahttit vejolašvuođaid.
- Dus leat čielga strategiijat movt háhkat stuorruma
- Ohcamis galgá boahtit ovdan buorre govus das maid áiggut bargat juohke mánu. Dát addá vuođu iežat bálkái.
Dán sáhtát ohcat:
- Alccet bálká sáhttá leat gitta 15 000 ruvnno mánnui. Jus dus lea olles- dahje bealleáiggevirgi, de sáhttá alccet bálká vuoliduvvot.
- Stuorrunfásii sáhttá addot doarjja alccet bálkán eanemusat 9 mánnui.
- Eanemus doarjja juohke fitnodahkii (geavaheaddjifokus ja stuorrun) lea 400 000 ruvnno.
- Don it sáhte ohcat goappašiid fásaide oktanaga.
- Don sáhtát ohcat njuolga stuorrunfásii, it ge dárbbaš vuos oažžut geavaheaddjifokusdoarjaga, vai leat dohkálaš bálvalussii, jus beare eavttut leat devdojuvvon.
- Jus ozat njuolga stuorrunfásii, de fertet dokumenteret geavaheaddjifokusa ja bidjat dan mielddusin.
- Álggahandoarjaga ii sáhte ovttastahttit eará doarjagiin Sámedikkis.
- Álggahandoarjagis galgá máksit vearu. Geahča skatteetaten.no:s eanet dieđuid dan birra.
Geainna válddát oktavuođa: Ráđđeaddi Kirsten Østby, tlf: + 47 78 47 41 08