Presideanta Aili Keskitalo lei dat vuosttaš gii sártnui ON Álgoálbmogiid bistevaš forumis go Álgoálbmogiid máilmmikonferánsa (WCIP2014) digaštallojuvvui vuosárgga miessemánu 19. b. New Yorkas.
Keskitalo čujuhii dasa ahte Sámediggi lea bargan árjjalaččat ráhkkanemiiguin čavčča máilmmikonferánsii álgoálbmogiid vuoigatvuođaid birra (WCIP 2014 ) maid ON váldočoahkkin lágida.
– Álgoálbmogiid posišuvnnat bohtet ovdan Áltá 2013 loahppadokumeanttas. Mu mielas dat lea buorre vuođđun duohta digaštallamiidda gaskal álgoálbmogiid ja stáhtaid, dadjá Keskitalo.
Keskitalo deattuha ahte ráhkkaneamit galget leat rahpasat ja searvadahttit ja eaktuda ahte máilmmi álgoálbmogat galget beassat fárrui ovdal máilmmikonferánssa ja go dat lágiduvvo.
Gulahalli
Sámediggi presideanta Aili Keskitalo, tlf. +47 971 29 305