Sámedikki presideanta Aili Keskitalo lihkuha Jose Francisco Cali Tzay nammademiin ON Nállevealahanlávdegotti (CERD) presideantan.
ON konvenšuvdna nállevealaheami vuostá dohkkehuvvui 1969:s. Konvenšuvnna ulbmil lea eastadit máilmmi iešguđet čearddalaš joavkkuid vealaheami.
Juohke nuppi jagi sáddejit dat riikkat, mat leat vuolláičállán šiehtadusa, raportta ON nállevealahanlávdegoddái. Dávjá kommišuvdna addá rávvagiid ja mearkkašumiid dasa mo šiehtadus galgá áddejuvvot ja čađahuvvot.
Loga eanet CERD birra dás:
Sámedikki presideanta Aili Keskitalo muitala ahte lea vuosttaš geardde go álgoálbmotnjunuš lea olahan dákkár saji ON-vuogádagas, ja nammadeapmi mearkkaša hui ollu máilmmi álgoálbmogiidda. Dat lea dan gelbbolašvuođa ja barggu dohkkeheapmin, maid álgoálbmogat dahket olmmošvuoigatvuođaid nannemiin máilmmis.
-Mii sávvat lihku Jose Francisco Cali Tzay:ii dáinna deaŧalaš bargguin, ja mii doarjut buohkat dán nammadeami, dadjá Keskitalo.
Jose Francisco Cali Tzay lea Guatemalas eret ja gullá maya ábmogii.
Loga eanetJose Francisco Cali Tzaybirra dás: