Maŋebárgga njukčamánu 11.b. mearridii Álttá suohkanstivra álggahit proseassa oažžut vuolláičállojuvvot ovttasbargošiehtadusa Sámedikkiin. ráđđelahttu Ann-Mari Thomassen rámida Álttá suohkanstivrra dán mearrádusa geažil.
- Sámediggeráđđi lea hui duhtavaš Álttá suohkanstivrra mearrádusain. Min mielas lea hui illudahtti go proseassa dál duođai álggahuvvo, cealká ráđđelahttu Ann-Mari Thomassen.
Thomassen čujuha viidáseappot sullasaš šiehtadussii mii čájehuvvui leat buorre mállen ovttasbargui Romssa gávpogis.
- Ovdalis lea vuolláičállojuvvon sullasaš šiehtadus Romssa gávpogiin. Dát šiehtadus láhčá bures lagas ovttasbargui gaskal gávpotsuohkana ja Sámedikki, ja lea dakkár šiehtadus mainna goappašat bealit leat hui duhtavaččat. Mii sávvat ahte šiehtadusas gaskal Álttá suohkana ja Sámedikki maid leat seammalágan bohtosat, loahpaha ráđđelahttu Thomassen.
Gulahalli:
Ráđđelahttu Ann-Mari Thomassen