Bargosadji lea Sámedikki kánturbáiki Snoasas.
Barggut
Virggi bargui gullá vuosttažettiin sámi kulturmuittuid hálddašeapmi ja áššemeannudeapmi iešguđege plána- ja areálaáššiin. Virgái sáhttet maid biddjot eará barggut mat gullet Sámedikki doibmii.
Gelbbolašvuohta
Virgái gáibiduvvo alit oahppu master-/váldofágadásis, vuosttažettiin arkeologiijas dahje kulturmuitosuodjaleames. Bachelordási ohccit sáhttet maiddái árvvoštallojuvvot.
Ohcciin ferte leat relevánta vásáhus ja máhttu barggus sámi kulturmuittuiguin ja máhttu digitála gieddereaidduid (GIS / GPS / CPOS) geavaheamis. Biilavuodjenkoarta lea dárbbašlaš.
Gelbbolašvuohta sámegielas ja dárogielas, sihke čálalaččat ja njálmmálaččat deattuhuvvo.
Muđui deattuhuvvo:
- Máhttu sámi historjjá ja sámi servodatdiliid birra
- Bargohárjáneapmi gieddebarggus
- Hárjáneapmi almmolaš hálddašeamis
- Buorit gulahallan- ja ovttasbargodáiddut
- Buorre njálmmálaš ja čálalaš ovdanbuktindáidu
- Dáidu bargat iešheanalaččat ja ulbmillaččat
- Veahkkáivuohta
- Persovnnalaš dohkálašvuohta
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1408 vuosttaškonsuleanta dahje 1434 ráđđeaddi, ovdalis vásáhusaid ja gelbbolašvuođa vuođul.
- Bálkkás gessojuvvo 2 % Stáhta penšuvdnakássii
- Buorit loatna- ja penšunortnegat Stáhta penšunkássas
- Máškidis bargoáigi ja buorit čálgoortnegat
- Buorre bargobiras mas don leat okta váikkuheddjiin
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.
Oktavuohta
Eanet dieđuid virggi birra oaččut go válddát oktavuođa:
- Doaibmi ossodatdirektevrrain Andreas Stångberg, tlf. +47 78 47 40 00
Ohcan
Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".
Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.
Ohcanáigemearri
Geassemánu 19. beaivvi 2019