Bálvalusat

Jos áiggut várret dahje luoikkahit maid nu Sámedikki girjerájus, de fertet registreret iežat girjeráju luoikkaheaddjin. Buohkat geain lea registrerejuvvon ássanbáiki Norggas sáhttet oažžut luoikkahankoartta mis. Luoikkahankortii registrerejuvvojit namma, čujuhus, riegádandáhton ja personnummir. Bibliotehkakoarta lea persovnnalaš ja geavahuvvo PIN-koda bokte. Dán koartta sáhttá geavahit maiddái eará bibliotehkain Norggas.

Oktasaš luoikkahankoarta

Buot mánát sáhttet oažžut luoikkahankoartta, muhto vuollel 15 jahkásaččaide fertejit vánhemat dahje fuolaheaddjit addit čálalaččat lobi. Go leat deavdán 15 jagi, de sáhtát ieš ráhkadahttit bibliotehkakoartta.  

Jos it hálit oktasaš luoikkahankoartta, de sáhtát don eastadit du čujuhusdieđuid rádjama guovddáš luoikkahanregistarii.  Resepšuvnnas sáhtát jearrat dakkár luoikkahankoartta maid sáhttá geavahit dušše báikkálaččat girjerájus.

1. Deaddil “Logge sisa”
2. Vállje gullevašvuođa BIBSYS
3. Čále iežat luoikkahannummira ja beassansáni
4. Deaddil ”Mu kontu”
5. Jos áiggut guhkidit luoikkahanáiggi, deaddil bovssa mii lea tihttela bálddas dahje deaddil “ođasmahte buot”.

Stáhtusa vuolde sáhtát oaidnit lea go luoikkahanáiggi vejolaš guhkidit vai ii. Don sáhtát guhkidit girjjiid luoikkahanáiggi ieš gitta 10 gearddi. Jos luoikkahanáigi lea guhkiduvvon 10 geardde, dahje muhtun lea vuordimin girjji, de ii boađe leaŋka “ođasmahte” oidnosii.

Don logget sisa go deaddilat “Logge sisa” mii lea bajimuččas olgešbeale čiegas. Sámedikki girjerádju ii leat sisaloggensiiddu válljenfálus. Don fertet válljet BIBSYS ásahussan. Don fertet de logget sisa luoikkaheaddji ID:in ja BIBSYS-beassansániin.

Jos dus ii leat beassansátni, de sáhtát dan diŋgot čuovvovaš siiddusis.

Movt ráhkadit beassansáni:

1. Vuosttaš siiddus: Deaddil ”Logge sisa” áibbas olgešravddas.
2. Vállje gullevašvuođa BIBSYS (Sámedikki girjerádju ii leat dás)
3. Deaddil ”Vajálduhttán geavahannama ja beassansáni”
4. Deaddil ”Lonut beassansáni”
5. Deaddil “Vajálduvvan/Viečča beassansáni”. Čále iežat luoikkahannummira (dat lea luoikkahankoarttas). Ođđa beassansátni sáddejuvvo e-poasttain.

Sámedikki girjerádju luoiká girjebáhkaid (ráju) bibliotehkaide.

Buot girjerájut sáhttet luoikkahit mis girjebáhkaid. Mis lea stuorra čoahkkádus ja das leat sihke fágagirjjálašvuohta ja čáppagirjjálašvuohta mánáide ja rávisolbmuide, iešguđege sámegillii. Dasa lassin luoikat mii DVD:id, CD:id ja jietnagirjjiid. Luoikkahanávdnasiid čohkket mii luoikkaheaddji/ girjeráju sávaldaga mielde. Vejolaš lea luoikkahit guhkes áigái. Guovvamánu guđát beaivi lea sámi álbmotbeaivi. Dan beaivvi várás sáhttit mii sáddet girjebáhkaid girjerájuide, skuvllaide ja mánáidgárddiide. Mii luoikat skuvllaide ja mánáidgárddiide lagamus álbmotgirjeráju bokte. Mis lea stuorra CD čoahkkádus main leat luođit ja sámi musihkka.

Magasiinnas leat mis maiddái VHS filmmat ja musihkka kaseahtain luoikama várás.

Šállošit go gávdnojit unnán mánáid várás heivehuvvon filmmat. Spiehkastahkan leat filmmat mat leat luoikama várás NORWACO šiehtadusa bokte min ossodagas Guovdageainnus. Daid filmmaid luoikat dušše mánáidgárddiide ja skuvllaide gielddain mat leat NORWACO lahtut.

Váldde oktavuođa minguin. E-poasta: sambib@samediggi.no, Tel: 78 47 40 00