Danne leat ge lágidan rabas čoahkkimiid máŋgga sajis Sámis, ja dáhtton dus cealkámušaid dán bargui.
Dakkár kommišuvdna mii šattašii deaŧalažžan ja oččošii buori saji servodagas sáhtášii leat reaidun miellaguottuid rievdadeamis. Danne lea deaŧalaš gávdnat guđe servodatsurggiide kommišuvnna bargu galgá guoskat.
Sámediggi diehtá ahte sámi álbmot lea gillán stáhtalaš dáruiduhttinpolitihkka geažil, mii bisttii eambbo go 100 jagi. Ollu sápmelaččain leat ain hávit maid dáruiduhttin lea dagahan, sihke ovttaskas olmmožin ja servodahkan. Deaŧalaš oassi seanadeamis lea oktasaš áddejupmi historjjás, ovddeš áiggi vuoiggalašvuođas ja eahpevuoiggalašvuođas mas sáhttá leat mearkkašupmi otne ge, ja govain historjjá sevdnjes beliin vealahemiin ja illastemiin mat leat dagahan guhkesáiggi váikkuhusaid. Doarvái buori seanadeami lea váttis olahit ovdal go duohtavuođa lea ásahan ja duođaštan nu bures go lea vejolaš, ja ovdal go sihke eiseválddit ja álbmot áddejit mii lea dáhpáhuvvan ja mo ovddeš politihkka lea váikkuhan maŋit buolvvaid.
Áigumuššan galggašii leat dárkilis čielggadeapmi mii addá autoritehta čuovvuleami doaibmabijuide. Seanadanbarggu oktavuođas lea deaŧalaš ahte sii geat iešguđet láhkai vásihedje dáruiduhttima ja gillájedje dan geažil besset muitalit iežaset muitalusaid. Kommišuvnnas lea sáhka ásahit ođđa máhtu ja máhttogaskkusteami mii dahká vejolažžan áddet dálá servodaga Norggas.
Sámedikki cealkámuš Duohtavuođa- ja seanadankommišuvnna mandáhtii meannuduvvui liige dievasčoahkkimis geassemánu 1. beaivvi.
Dás sáhtát lohkat Sámedikki cealkámuša Duohtavuođa- ja seanadankommišuvnna mandáhttii.
Loga maid: Stuoradikki mearrádus duohtavuođa- ja seanadankommišuvnna birra
Loga maid: Sámediggi doarju duohtavuođa- ja seanadankommišuvnna
Loga maid: Kronihkka: Ollugat guddet ain sohkabuolvvaid ja iežaset lossa nođiid
Sámediggi lea doallan rabas čoahkkimiid dáppe:
Guovvamánu 12. b., dii. 18.00, Ä´vv Saa’mi Mu’zei, Njávdán
Guovvamánu 13. b., dii. 18.00, Várjjat Sámi Musea, Vuonnabahta
Guovvamánu 15. b., dii. 18.00, Álttá Sámi Giellaguovddáš, Áltá
Guovvamánu 21. b., dii. 19.00, Gjenreisningsmuseet, Hámmárfeasta
Guovvamánu 22. b., dii. 18.00, Davvi álbmogiid guovddáš, Gáivuotna
Njukčamánu 1. b., dii. 19.00, Sámi Viessu, Oslo
Njukčamánu 5. b., dii. 18.00, Sámiid Vuorká-Dávvirat, Kárášjohka
Njukčamánu 12. b., dii. 18.00, Ráđđeviesu suohkanstivrralanjas, Romsa
Njukčamánu 20. b. dii. 18.00, Várdobáiki, Evenášši
Njukčamánu 21. b., dii. 18.00, Árran, Divtasvuodna
Njukčamánu 22. b., dii. 18.00, Sámi giella- ja kulturguovddáš, Porsáŋgu
Cuoŋománu 3. b., dii. 18.00, LES-viessu, Guovdageaidnu
Cuoŋománu 9. b., dii. 18.00, Fjellkysten Gjestehus, Loabágis
Cuoŋománu 12. b., dii. 18.00, Stormen girjerájus, Bådåddjo
Cuoŋománu 16. b., dii. 16.00, Saemien Sijte, Snåase
Cuoŋománu 17. b., dii. 18.00, Hotel Nordkyn, Gilivuotna, Davvesiida
Cuoŋománu 24. b., dii. 18.00, Aajege Saemien gïele- jïh maahtoejarnge, Röörose
Cuoŋománu 25. b. dii. 18.00, Best Western Plus Hotel Bakeriet, Tråante