Sámi sierrabibliotehka ásaheapmi álggahuvvui 1950-jagiin. 1962:s oaččui Kárášjoga álbmotbibliotehka erenoamáš ovddasvástádusa ráhkadit sámičoahkkádusa ja fállat sámi bibliotehkafálaldaga olles sámi álbmogii ja earáide. Čoahkkádus lei álggos Kárášjoga álbmotbibliotehka ossodahkan. 1983 rájes lea ossodat leamaš sierra stáhtaruhtaduvvon bibliotehka - Sámi sierrabibliotehka. Dat sirdojuvvui Sámedikki vuollásažžan jagis 2000 ja oaččui ođđa nama Sámedikki girjerádju. Girjerájus lea dál guovddáš sadji sámediggevisttis Kárášjogas.
Sámedikki girjerádju galgá nannet ja ovddidit bibliotehkafálaldaga sámi álbmoga várás. Dat galgá doaibmat sámi girjjálašvuođa ja sámi bibliotehkabálvalusa gelbbolašvuođaguovddážin, ja leat Sámedikki politihkkariid ja bargiid hálddašangirjerádjun.
Sámedikki girjerájus galgá leat dievasleamos čoahkkádus sámi girjjálašvuođas ja eará ávdnasiin sámegilli ja sámi diliid birra guđe gillii ihkinassii. Čoahkkádus galgá leat oahpis eará bibliotehkaide ja ovttaskas luoikkaheddjiide ja leat daid olámuttus. Girjerádju láve oastit máŋgga gáhppálaga girjjiin vai eará bibliotehkat sáhttet luoikkahit girječoahkkádusa geavaheddjiidasaset luoikama várás.
Girjerádju láve oažžut Nationála bibliotehkas girjjiid ja dokumeanttaid mat leat almmuhuvvon Norggas main olles teaksta dahje oasit das leat sámegillii, bággoaddima lága mielde gč. “Lov om
Pliktavlevering”. Bákkus addojuvvon girjjit galget rájaduvvot agibeaivve.
Liv Inger Lindi
Fágajođiheaddji
Inger Johanne Rosland
Sierrabibliotehkára
Kåre Balto
Konsuleanta
Jo Espen Thomassen
Čálli
Sámedikki girjerádju/Sametingets bibliotek
Ávjovárgeaidnu 50
9730 Kárášjohka
Tlf. 78 47 40 00