Sámediggeráđđi Silje Karine Muotkaáigu bivdit Ruhtadandepartemeantta geahpedit duojáriid lasseárvodivada – dát lea okta dain doaibmabijuin maid Sámediggi áigu iskat vai dienas lassánivččii, dadjá Muotka.
Momsageahpádusas leat guokte vejolašvuođa. Nubbi lea luvvet duojáriid divatbákkus, ja nubbi fas lea spiehkastit duojáriid divatbákkus. Dáiddárat leat earret eará spiehkastuvvon divatbákkus, ja danne sis leat ekonomalaš ovddut spiehkastusas.
-Buoremus livččii momsaluvven go dalle lea ain vejolaš geassit eret sisaboahtti lasseárvodivada. Luvven ii guoskkašii earet gaskal 100 ja 150 duojáriidda olles riikkas, dadjá Muotka
Sámiid duodji ja Duojáriid ealáhussearvi leat máŋgga oktavuođas dan ášši digaštallan Sámedikkiin ja mii leat dál ovttaoaivilis loktet ášši Ruhtadandepartemeanttii ja dan áigu Sámediggi dahkat.
Lasseárvodivada geahpedeapmi addá movtta eanebiidda duddjogoahttet go sisaboahtu lassána , ja dát nannešii sámi kultuvrra go duodji lea okta dehálaš oassi sámi kultuvrras.
-Dakkár doaibmabidju nannešii sámi ealáhusovddideami vuđđosa, ja boađášii sámi nissoniidda buorrin go eanaš duojárat leat nissonolbmot, loahpaha Muotka
Gulahalli
Sámediggeráđđi Silje Karine Muotka, tel. +47 984 87 576