Sámediggeráđđi juolluda 150 duhát ruvnno Bivdái, mearrasámi bivdo- ja guolástusorganisašuvdnii, ovddideapmái ja organisašuvdnahuksemii.
Bivdi lea bivdo- ja guolástusorganisašuvdna mii galgá ovddidit fuolahit mearrasámiid beroštusaid ja vuoigatvuođaid mearas. Organisašuvdna vuođđuduvvui 2005:s.
Sámediggeráđđi Silje Karine Muotka dadjá ahte mearrasámi guolásteaddjit ja báikegottit dárbbašit nana organisašuvnnaid maid ulbmil lea fuolahit ovttaskas guolásteaddji, báikegotti ja sámi álbmoga sámi vuoigatvuođaid, dadjá sámediggeráđđi Silje Karine Muotka.
Bivdi čállá ohcamis ahte organisašuvdna lea deaŧalaš váikkuheaddji dain Sámedikki politihkkasurggiin, main mearrasámi vuoigatvuođat ealáhuseallimis ja servodagas leat guovddážis.
Ođđa stivra lea ožžon bargamuššan loktet organisašuvnna “gievkkandásis” vai sáhttá lágidit iežas beaivválaš doaimma nu ahte dat oktilaččat ovddida politihka ja geige gulaskuddamiid ovddidettiin mearrasámi guolásteddjiid, bivdiid ja lotnolasealusdoaimmaheddjiid kultur- ja ealáhusberoštumiid.
-Sámediggeráđđi sávvá Bivdái lihku ovddideamis mearrasámi beroštusaid nana ja čielga jiena, dadjá sámediggeráđđi Silje Karine Muotka.
Loga eanet Bivdi birra dás: http://bivdi.no/
Eanet dieđuid addá: Sámediggeráđđi Silje Karine Muotka, 984 87 576