Ođasmahttojuvvon davvisámegiela čállinrávagirjjáš, man Sámedikki bargojoavku lea doaimmahan, biddjo dál almmolaš gulaskuddamii. Gulaskuddanáigemearri lea čakčamánu 30. beaivvi dán jagi.
Sámedikki giellaossodat lea 2003:s almmuhan Čállinrávagirjji, mii dál lea ođastuvvon. Girjjáš lea dál ođasmahttojuvvon, sihke sisdoalu ja hámi dáfus. Das leat váldon vuhtii ođđaseamos sátnegirjjit, giellaoahppagirjjit, ja ránnjágielaid čállinrávvagat.
Čállinrávagirjji ođasmahttin lea leamaš dehálaš Sámedikki mielas. Ulbmilin lea dahkat álkibun geavahit oktasaš čállinrávvagiid normerejuvvon teavsttain, nugo ovdamearkka dihte oahpponeavvuin.
Gulaskuddanáigemearri lea čakčamánu 30. beaivvi dán jagi.
Girjjáš galgá 2015 čavčča prentejuvvot gihpan, ja maid almmuhuvvot neahtas.
Danin bivdit mii giellaberošteddjiid buktit cealkámušaid ovdal čakčamánu 30.b.2015. Sáddejehket áinnas mearkkašumiid/ kommentáraid dađistaga go fuobmábehtet. Gulaskuddancealkámušaid sáddet dán čujuhussii: gulaskuddan.callinrava@samediggi.no dahje poastačujuhussii:
Sámediggi
Ávjovárgeaidnu 50
9730 Kárášjohka