Gjennomgang av soningsforholdene for samiske innsatte og domfelte.pdf 758,20 kB
SámediggeráđđiSilje Karine Muotkajáhkká ahte sii geat čohkkájit giddagasain ožžot buoret árbabeaivvi maŋŋágo doaibmagoahtá ođđa doaibmaplána buori ja dásseárvosaš čohkkáma várás. Doaibmaplána sihkkarastá ahte sii geat čohkkájit giddagasain ožžot dieđuid sámegillii ja ahte sidjiide šaddá álkit geavahit sámegiela giddagasas.
Máŋggas geat ovdal leat leamaš giddagasas, leat váldán oktavuođa Sámedikkiin ja muitalan heajos diliid birra giddagasas. Earret eará eai beasa hupmat sámegiela giddagasas. Ollugiid mielas dat dagaha giddagasas čohkkáma losibun.
Bargojoavku nammaduvvon
Justiisadepartemeantta ja Kriminalomsorgens sentrale forvaltning (KSF) gohččuma vuođul lea bargojoavku guorahallan giddagasas čohkkámin ja dubmejuvvon sápmelaččaid dilálašvuođaid giddagasas. Loahppajurdda lea hui čielggas; sápmelaččat geat čohkkájit giddagasain, fertejit oažžut vuoigatvuođaideaset ollašuhttojuvvot.
Loga raportta: Gjennomgang av soningsforholdene for samiske innsatte og domfelte
Sámegiela ja sámi kultuvrra čalmmustahttin
Maŋŋá raportta ráhkadii Sámediggi ovttas Kriminalomsorgen:in (kriminálafuolahusain) doaibmaplána dainna áigumušain ahte buoridit dili.
Loga doaibmaplána giddagasas čohkkámin ja dubmejuvvon sápmelaččaid várás
Vuosttáš vuorus lea kriminálafuolahus vuoruhan diehtojuohkima ovdal ráŋggáštusčađaheami, diehtojuohkima ráŋggáštusčađaheami oktavuođa ja dihtojuohkima gallededdjiide. Jorgaleamit leat biddjojuvvon Romssa ja Čáhcesullo giddagasaid neahttasiidduide.
Dásseárvosaš čohkkándilit
Sámediggeráđđi Silje KarineMuotka lea duhtavaš buriin ovttasbargguin davvi regiovnna kriminálafuolahusain.
-Lea deaŧalaš ahte sápmelaččat geat čohkkájit giddagasain, eai dovdda dan ahte sii fertejit gillát duppal ráŋggáštusa. Doaibmabijut leat mielde láhčimin dásseárvosaš čohkkándiliid, dadjá sámediggeráđđi Silje Karine Muotka.
Čáhcesullo giddagas lágida ovttas Várjjat sámi museain čájáhusa giddagasas mii čalmmustahttá sámi historjjá ja kultuvrra hui bures.
-Dát lea buorre ovdamearka dasa mo sámegiella ja sámi kultuvra sáhttá čájehuvvot maiddái giddagasas, dadjá Muotka.
Loga eanet Kriminálafuolahusa birra: http://www.kriminalomsorgen.no/
Eanet dieđuid addet:
SámediggeráđđiSilje Karine Muotkatel.984 87 576, ráđđeaddi Liss-Ellen Ramstad 784 74 000 ja Kriminálafuolahusa davvi regiovnna regiovdnadirektevraJorid Midtlyng tel.9111264.