Sámedikki dievasčoahkkinjođihangoddi háliida ahte sámi sohkanamat galget maid gullot Sámedikkis, ja lea mearridan geavahišgoahtit maiddái daid sámi sohkanamaid áirasiin.
Sámi sohkanamat leat oassin giellaealáskahttimis. NSR áirras dievasčoahkkinjođihangottis Hánas-Johanasa-Johanasa Tor Gunnar/Tor Gunnar Nystad dat lea lokten sámi nammavieru dievasčoahkkimii geavahussii.
– Sámiin lea erenoamáš dárkilis vuohki movt muitalit ja čilget gullevašvuođa, makkár sohkii gullá. Sámediggi han lea okta dain ásahusain mii galgá čuollat sámi árbevieruid, ja ovddidit ja čalmmustahttit daid. Danne lea hui vuogas ahte Sámedikki dievasčoahkkimis gullojit áirasiid sámi sohkanamat maid, dadjá Hánas-Johanasa-Johanasa Tor Gunnar/Tor Gunnar Nystad.