Nástečoahkkádusas leat sullii 1200 tihttela, sámiid diliid birra dahje leat čállojuvvon muhtun sámegillii. Eanaš tihttelat leat boarráset go 100 jagi. Doppe leat antikváralaš, hárvenaš, boares ja árvvolaš girjjit ja áigečállagat, ja muhtun kárttat gitta jagi 1669 rájes. Dasa lassin leat čoahkkádusas ovttaskas tihttelat maŋimuš 100 jagiin ja main lea erenoamáš árvu. Mii leat gieskat geahčadan čoahkkádusa ja buot tihttelat leat dál registrerejuvvon Bibsysis. Daid sáhttá ohcat nie mo eará ge dokumeanttaid. Almmuheamit juohkásit otnáš nammii ná: birrasii 10 tihttela 1600-logus, 80 tihttela 1700-logus ja 430 tihttela 1800-logus.
Nástečoahkkádusa eanaš dokumeanttain leat luoikkahangáhppálagat mat leat magasiinnas, muhto nástečoahkkádusa gáhppálagaid ii sáhte luoikkahit ruoktot. Daid sáhttá muhtun oktavuođain viežžat ja daid sáhttá lohkat girjerájus.
Boarráseamos girjjiin sáhttit namuhit Olaus Stepani Graan cállán Manuale Lapponicum (Stockholma 1669) ja Johannes Schefferus čállán Lapponia, máŋga gáhppálaga jagi rájes 1674 ja ovddas guvlui.
Sámedikki girjerádju lea 2014:s ásahan sierra álgoálbmotčoahkkádusa. Das leat dokumeanttat álgoálbmogiid birra miehtá máilmmi, ja das leat otnáš nammii sullii 200 tihttela. Dasto leat girjjit maid Sámediggi lea čohkken ja ožžon skeaŋkan registrerejuvvon ja dat leat olámuttus luoikama/ gáiddusluoikama várás Bibsysa bokte. Daid leat juo jearahišgoahtán.