Dáidda ja kultuvra lea áidnalunddot jurddašanvuohki, ii ge dábálaš fitnodatjurddašeapmi heive álo dán ealáhussii. Danne lea Sámediggi álggahan sierra áŋgiruššama kulturealáhusain. Oassin dán áŋgiruššamis lea ráhkaduvvon sierra fitnodatovddidanprográmma earenoamážit sámi kulturealáhusa várás. Prográmma namma lea Dáhttu ja Sámediggi lea bálkáhan Kreativ Industri dan jođihit.
Dáhttu bokte besset sámi kulturealáhusdoaimmaheaddjit earret eará bargat gávpejurdagiin, vuođđudanvehkiin ja strategiijaráhkademiin. Juohke prográmmas lea sadji 12 kulturealáhusdoaimmaheaddjái geain lea háliidus ja dáhttu vuođđudit gánnáhahtti fitnodaga. Prográmma guovddáš mihttomearri lea duddjot fierpmádaga oassálastiid gaskkas. Prográmma bistá jagi ja das leat golbma čoahkkaneami ja juohke oasseváldi oažžu 50 bagadandiimmu. Mihttomearrin lea ahte maŋŋá prográmma loahpaheami galget máŋggas sáhttit birget iežaset kulturealáhusfitnodagain.
2016 rádjai galget álggahuvvot 4 iešguđet prográmma. Dađibahábut ii leat vejolaš dieđihit iežas álggahuvvon prográmmii, muhto berošteaddji kulturealáhusdoaimmaheaddjit bivdojuvvojit váldit oktavuođa Sámedikkiin mii addá dieđuid boahtte vejolaš prográmma birra.
e-poasta:ragnhild.dalheim.eriksen@samediggi.no dahje telefuvdna 784 74 088
Dáhttu Duodji lea sierra prográmma mii lea jurddašuvvon erenoamážit duojáriid várás miehtá riikka. Rekrutteren dasa lea dál álggahuvvon lagas ovttasbarggus duodjeorganisašuvnnaiguin. Vuosttaš čoahkkaneapmi lea Kárášjogas juovlamánu 9.-10. b. 2014. Dáhttu Duodji lea vuođđuduvvon buriid vásáhusaide eará Dáhttu-prográmmain, ja dat galgá dasa lassin erenoamážit čalmmustahttit innovašuvnna, ovttasbarggu, digitála vuovdaleami ja molssaektosaš gávpemálliid.
Prográmmii lea leamaš stuora beroštupmi ja čuovvovaš 12 duojára leat ožžon saji prográmmii:
Dáhttu Finnmárku álggahuvvui cuoŋománus 2014 ja lea dál loahpahanmuttus. Maŋimus čoahkkaneapmi lágiduvvo Leavnnjas ođđajagimánu 21.-22. b. 2015.
Čuovvovaš kulturealáhusdoaimmaheaddjit Finnmárkkus leat mielde prográmmas:
Dáhttu2 Romsa álggahuvvo skábmamánus 2014 ja jotkojuvvo jagi 2015 mielde. 12 sámi kulturealáhusdoaimmaheaddji Romssa fylkkas leat ožžon saji prográmmii. Innovašuvdna Norga Romsa lea ovttasbargoguoibmi Dáhttu2 Romsa čađaheamis.
Čuovvovaš kulturealáhusdoaimmaheaddjit Romssa fylkkas leat mielde prográmmas:
