Sámediggi lea giđa álggahan prográmma nannen dihtii sámi kulturealáhusa. Finnmárkku fitnodat Kreativ Industri lea Sámedikki ovddas ráhkadan fitnodatovddidanprográmma erenoamážit sámi dáidda- ja kulturbargiid várás geat háliidit ealáhussan dahkat iežaset dáidda- ja kulturovdanbuktimiid. Ulbmilin lea ahte eanebut galget sáhttit eallit sámi kulturealáhusas boahtteáiggis.
Vuosttaš čoahkkaneamis Kárášjogas cuoŋománu 22.- 23. b. oassálaste 12 hui áŋgiris sámi kulturealáhusoassálasti olles Finnmárkkus. Oassálastiin lea dat oktasaš ahte sis lea sihke háliidus ja dáhttu ovddidit iežaset sámi kulturealáhusfitnodaga viidáseappot.
čeahpes kulturealáhusdoaimmaheaddjit
Beroštupmi Dáhttu-prográmmii lea leamaš hui stuoris ja dađibahábut ii lean sadji buohkaide geat háliidedje searvat vuosttaš vurrui. Dá leat sii geat serve kulturealáhusa vuosttaš prográmmii:
Dáhttu birra
Dáhttu lea gealbo- ja fierpmádatprográmma sámi kulturealáhusdoaimmaheddjiid várás ja galgá veahkehit sámi kulturealáhussuorggi šaddat eanet fitnolaš ja gávppálaš. Dán prográmma bokte galget kulturdoaimmaheaddjit oažžut máhtu nu ahte sáhttet hukset buori ealáhusa iežaset buktagiin. Dáhttu ovddidanprográmma ulbmiljoavkun lea sámi dáidda- ja kulturdoaimmaheaddjit, geat leat dahkan dahje háliidit dahkat iežaset ovdanbuktimiin ealáhusa. Dán prográmma bokte besset kulturealáhusdoaimmaheaddjit bargat jurddaovddidemiin, fitnodaga vuođđudemiin dahje dálá fitnodaga ovddidemiin ja strategiijaovddidemiin. Prográmmas galget leat 3 čoahkkaneami ovtta jagis, ja oassálastit ožžot dasa lassin 50 ráđđeaddidiimmu.
Ođđa prográmma lea plánejuvvon álggahuvvot dán čavčča ja dál sáhtát maiddái don dieđihit iežat beroštumi prošeaktajođiheaddjái Marit Vambheim, tel. 908 85 048, post@kreativindustri.no