Dáidda- ja kulturgaskkustanarenat
Ii leat ohcanáigemearri.
Doarjjaortnega mihttomearri:
Sámi institušuvnnat leat ođđahutkkálaš ja innovatiiva sámi dáidda ja kulturgaskkusteaddjit
Ortnega doarjjaohccit:
Sámi ásahusat leat sámi dáidaga, kultuvrra ja kulturárbbi hutkás gaskkusteaddjit ja galget movttiidahttit ovddidit ja hutkat sámi ásahusaid dáidda- ja kulturgaskkustanarenan.
Dáidda doaibmabijuide sáhttá ohcat doarjaga:
- Doarjja doaimmaide mat eai leat dušše dábálaš doaimmat maid doaibmadoarjja galgá gokčat.
- Láhčit sámi ásahusaid dárbbašlaš nuppástuhttimii.
- Prošeavttat/doaibmabijut main lea mearkkašupmi Tråante 2017 lágideapmái ja maid lea jurdda čađahit 2017:s.
Gáibádusat ohcama sisdollui ja hápmái:
Ohcan galgá čállojuvvot Sámedikki ohcanskovvái, ja galgá beaiváduvvon ja vuolláičállojuvvon.
Sus guhte vuolláičállá ohcama ferte leat fátmadus geatnegahttit institušuvnna. Ohcci lea geatnegahttojuvvon almmuhit Sámediggái buot dáid dieđuid mat dárbbašuvvojit ohcama meannudeapmái, maiddái dieđuid vejolaš eará almmolaš doarjagiid birra.
Buot prošeaktaohcamiid várás galgá ráhkaduvvot bušeahtta mas lea gollogeahčastat doaibmabijuid ja ruhtadanplána ektui ja prošeaktačilgehus mas válddahuvvojit prošeavtta čielga ulbmilat, vuođustus, fágalaš sisdoallu, ovdánanplána čadnojuvvon muttuide, vejolaš gaskkusteapmi, báikkálaš gullevašvuohta ja prošeavtta čađahanvejolašvuohta.
Meroštallannjuolggadusat:
Doarjja juolluduvvo čilgejuvvon ohcama ja prošeaktačilgehusa vuođul. Doarjaga vuolit rádji lea 10 000,- ru. Eanemus doarjaga sáhttá oažžut gitta 300 000,- ru.
Áššemeannudanáigi:
Ohcci sáhttá vuordit vástádusa ohcamii golbma mánu maŋŋil go mii leat ožžon ohcama, gč. hálddašanlága 11. §. Gaskaboddosaš diehtu hálddašanáššis sáddejuvvo mánu sisa dan rájes go ohcan lea boahtán.
