Sámediggi juolluda 2018 rájes 50.000 ruvnnu jahkái superstipeandan sidjiide geat váldet vuođđoskuvlla oahpaheaddjioahpu mas lea sámegiella fágasuorggis dahje mánáidgárdeoahpaheaddji oahpu.
Sámedikki dievasčoahkkin lea mearridan ahte stipeanda alit ohppui 2018:s addojuvvo dušše mánáidgárdeoahpaheaddji oahpu ja iešguđege oahpaheaddji oahpuid studeanttaide. Sámediggi vuoruha dáid oahpuid danne go váilot hui ollu sámegielat oahpaheaddjit mánáidgárddiin ja vuođđoskuvllain.
2018 čavčča álggahuvvo matta- ja julevsámi oahpaheaddji oahppu masterdásis 1-7 Davvi universitehtas. Sámi Allaskuvllas álggahuvvo 2017 čavčča vuođđoskuvlaoahpaheaddji oahput 1-7 ja 5-10. Studeanttat dáin oahpuin sáhttet oažžut stipeandda Sámedikkis. Superstipeanda juolluduvvo maiddái sidjiide geain lea leamaš sámegiella vuosttaš- dahje nubbingiellan joatkkaskuvllas ja geat váldet vuođđoskuvllaoahpaheaddji oahpu mas sámegiella lea sierra fágan, dahje mánáidgárdeoahpaheaddji oahpu. Njuolggadusat stipeanddaide gávnnat dás.
Lassin dasa ahte buot oahpaheaddjit ožžot barggu maŋŋel go gerget oahpuin, de leat dál maiddái ásahuvvon ortnegat mat dahket gánnáhahttin álgit ja čađahit oahpaheaddjioahpu. Stáhta loatnakássa luoitá sin lohkanloana geat gerget oahpaheaddji oahpuin normerejuvvon áiggis, ja leat maid sierra ortnegat Davvi-Norgii bargui ja sidjiide geain sámegiella lea oassin oahpaheaddji oahpus. Loga eanet Stáhta loatnakássa siidduin dás ja dás.
Ohcanáigemearri alit ohppui lea cuoŋománu 15. beaivvi.