Dearvvašvuohta

Vuođđodearvvašvuođabálvalus (omd. fástadoavttirortnega, bahkadasdoaktárortnega, buhcciidruovttubálvalusaid, ruovttubuohccedivššu) gullá suohkaniid ovddasvástádussii. Stáhta ovddasvástida spesialistadearvvašvuođabálvalusa masa gullet (buohcceviesut, heahtedieđihanbálvalus, ambulánsabálvalus, psykiatriija ásahusat). Fylkkasuohkanat ges ovddasvástidit bátnedikšunbálvalusa. Fylkkasuohkanat galget leat álbmotdearvvašvuođabarggu láidesteaddjin fylkkain ja sii galget veahkehit suohkaniid álbmotdearvvašvuođabargguin. Nationála eiseválddiin lea ovddasvástádus fállat dohkálaš dearvvašvuođabálvalusaid maiddái sápmelaččaide.

Sámediggi áigu:

• Dásseárvosaš dearvvašvuođabálvalus sámiide mas sámegiella ja sámi kultuvra lea vuođđun.
• Lasihit sámegielat ja kultuvrralaš gelbbolašvuođa ja máhtolašvuođa seammás go maiddái buoridit gelbbolašvuođa ja máhtolašvuođa sámegiela ja sámi kultuvrra birra buot dásiin dearvvašvuođabálvalusas. Dát ovddasvástádus gullá bajit dássái fuolahit.