Sámediggi juolluda 48, 4 miljon ruvnnu guovttegielatvuođa doarjaga suohkaniidda ja fylkkasuohkaniiddda mat leat hálddašanguovllu siskkobealde. -Lea movttiidahtti oaidnit suohkaniid ja fylkkasuohkaniid go váldet ovddasvástádusa ja barget sámegielain ja smihttet ovdánahttin doaimmaid, lohká Sámedikki presideanta Aili Keskitalo.
-Suohkanat ja fylkkasuohkanat leat dehálaččat giellaovddideamis, go sis lea ovddasvástádus eaŋkilolbmuide fuolahit bálvalusaid ja maid addit sámegillii dáid bálvalusaid, lohká Sámedikki presideanta Aili Keskitalo.
Ovttasbargošiehtadusat.
Sámediggi lea juolludan suohkaniidda ja fylkkasuohkaniidda 32,4 mill. vuođđo- ja bálvalanoassái mat galget geavahuvvot ollašuhttit sámelága giellanjuolggadusaid. Sámediggi lea maid bušeahtas várren ovdánahttindoarjaga 10,8 mill suohkaniidda ja 1,2 mill. Fylkkasuohkaniidda. Dát ruđat galget geavahuvvot ovdánahttit sámegiela geavaheami suohkaniin ja fylkkasuohkaniin.
Guovdageaidnu 7 689 521 ruvnnu
Kárášjohka 7 482 602 ruvnnu
Deatnu 4 984 922 ruvnnu
Poršaŋgu 4 534 196 ruvnnu
Unjárga 3 512 327 ruvnno
Gáivuotna 3 658 580 ruvnnu
Divtasvuodna 2 422 030 ruvnnu
Snåasa 2 827 962 ruvnnu
Loabat 3 216 859 ruvnnu
Røyrvik 2 500 000 ruvnnu
Finnmárkku fylkkagielda 1 356 250ruvnnu
Romssa fylkasuohkan 1 201 250 ruvnnu
Nordlánda fylkasuohkan 1 356 250ruvnnu
Noerhte-Trøøndelaagen fylhkentjïelte 1 186 250r uvnnu
Sámediggi lea dahkan ovttasbargošiehtadusaid buot hálddašanguovllu gielddaiguin ja fylkkagielddaiguin guovttegielatvuođaruđaid geavaheami hárrái. Šiehtadusat vuolláičállojuvvojedje guovvamánus 2012.
Šiehtadusaid vuođđun leat dat geatnegasvuođat mat gielddain ja fylkkagielddain leat sámelága giellanjuolggadusaid vuođul.
Ovttasbargošiehtadusat gaskal Sámedikki ja suohkaniid ja fylkkasuohkaniid guovttegielalašvuođadoarjaga geavaheamis galgá evaluerejuvvot 2015.